قصيدة للشاعر رويضي بن وسمي العزيزي

قصيدة وصلتني من الشاعر رويضي بن وسمي ولنا شرف الأحتفاء بها
أتمنى أن تنال أعجابكم:

حفيد عامر خوي الذيب علمٍ ثبات=اللي فعوله تناقلها حلوق الرواه
اوفاي حق الخوي ماهو هروج سعوات=وفاه حملٍ ثقيل يبرهنه من قواه
لكن حنا لناميزه وفينا صفات=منهو نوانا بشر يذوق شرٍ نواه
ناخذ بثار الخوي من ساير الكاينات=اليا أرتبطنا بخوه نفرقه عن سواه
نهجي سباع الخلا ونعشي الحايمات=يوم المحارب ومن يدرك عدوه شواه
كم من حريبٍ نخلي جمع قومه شتات=وكم راس شيخٍ عليه الذيب كوسر عواه
من فعلنا فالقدايم يوم اخذها وهات=قدام من هجد الفتنه يحرك لواه
إلنا من المجد مانرقابه النايفات=مجدٍ سلفنا وحاضرنا سجله حواه
واليوم ساد الامان وساري الشر بات=ومن لامشى في هوانا ماتبعنا هواه
من شافها معجزه حناهل المعجزات=من قال اهل معجزه درب السنع ماغواه
ربعي مطير اهل الردات وأهل الثبات=يومن كلن يجي فعله على مستواه

ولكم تقديري

يامرحبا من بحر جــده لنهر الفرات
بالشاعر اللي صخر قافه ويلعن ثواه


كل الشكر اخوي حفيدعامر خوي الذيب

وصح لسان الشاعر رويضي والليث من المعجبين به وبلغه تحياتي

صح لسان الشاعر وبيض الله وجهكـ يا ناقلها

الليث:
دائماً حضورك مميز
لاعدمتك كن بالقرب دوماً
لك مني كل التقدير

سمو الذات:
ووجهك أبيض
مرور يشرفني ويسعدني يالذيب
لاعدمتك
تقبل تقديري

صح لسان ابو وسمي ويض الله وجهك على الطرح ياحفيد عامر ...