تمايل معاليق الحشا

السلام عليكم

بي نطلع من الغزل شوي ... مالنا عن الغزل محوال هههه



تمايل معاليق الحشا مع هبوب النود
.............................ليامن قطع مسرى الهواجيس مغباشه
..
على بنت ريح مذعّره بنت حشمة عود
...........................على الهقوه الهقوه وللجد شواشه
..
تورّد على عدن صفاوته دون حدود
............................تقول الثرى ماطبه الماء ولا ناشه.

شربت الشوارد شرب رشاش للبارود..
................................ليا ثار كلن عقبها طش رشاشه..

وتعوّد مقاريد السوالف على المقرود..
................................وماكان خلف الشاشه يصير فالشاشه..

تهيضت من شعرن عليه الجزال شهود..
.................................وانا لاتهيضت اسحب الفكر بفراشه..

ومن باب حبي للفضول وضرم مجحود...
.............................هواجيسه لبعض الطواريق نهاشه..

على المعترك سقت القدم وابذل المجهود..
.................................والافكار شرسه والهواجيس ومنداشه..

ليامن طلعنا بالسلامه ما نبغى فود..
.......................عظام العرب صلبه وانا عظامي هشاشه..

اخيل الخيال اللي بروقه بدون رعود..
..........................وصلفه هبوبه والمزابير رهاشه..

يصلني نسيمه والمطر وقعه المعدود...
.............................يسر النظر من ناس ماهي بغشاشه..

والا يالهوى التقليد يكفيك دبل كبود..
..............................مشاعرك جياشه وفرحتك منحاشه..

وبيض السحاب اللي ليا اقفى يعوّد سود..
.................................تهب الهبوب وتفسخه فسخ دشداشه...

يدور الكلام ولابه اللي بلا منقود...
..................................وكلن مع العالم يقديه ما حاشه.
.................................................. ...................

.........نايف معلي العزيزي...

يابن معلي ابداعك لنا كل يوم يزود
تجيد المعاني بالصور يقدح افلاشه

صح لسانك وابداعك بالغزل هههههه له طعم خاص
وتقبل ارق واعذب التحايا

صح السانك خوي نايف لك اجمل تجياتي

الله ماجملها وما اعذبها الى الامام ونتمنى لك التوفيق يا نايف

الله ماجملها وما اعذبها الى الامام ونتمنى لك التوفيق يا نايف

الله ماجملها وما اعذبها الى الامام ونتمنى لك التوفيق يا نايف

صح لسانك وعساك على القوه يانايف

ابيض وجه ولك تحياتي هناء لقيت الشعر وهل الشعر

شاعرنا المبدع نايف بن معلي

شهادتي فيك مجرورح لانني احد المعجبين بشعرك

ابداع لحد الثماله صح لسانك على هذا النص الفاخر

الشاعر العملاق نايف. صححححححححح لسااااااانك ملايين. لقد تفننت كعادتك في طرحك للموضوع وهذا لا غرابة فيه. أجزلت وأمتعنا بهذه الرائعة. كل بيت يقول انا الافضل تقبل مروري