قصيدة مهداءه من الشاعر راشد بن فالح العزيزي المطيري لشيخ هزاع بن غلاب الحلفي المطيري

يا مرحبا والليلة الليلة ماهي مثل الليال
منوره ماهي مثل بعض الليال المضلمه
في مجلساً فيه الشحم والبن من صفر الدلال
والعود الأزرق للرجال الطيبين نقدمه
نقدم الترحيب للغالين مع حلو القبال
في قصر شيخاً يضحك احجاجه قبل ينطق فمه
هذاك بو غلاب قرماً من مناعير الرجال
هزاع ابو غلاب شيخاً سعد منهو محزمه
شيخاً على طيب وكرم وافي ولله الكمال
من صغر سنه يفرق بطيبه وفعله وكرمه
تفخر به المطران من حد الجنوب ليا الشمال
ومن الكويت ليا بحر جده عسا ما نعدمه
يا مرحبا ترحيبةٍ ترقا على شم الجبال
بالعزوه اللي فعلهم بالطيب كلاً يعلمه
هلا هلا يا فيصل الغرمول ياقرم العيال
واللي حضر معكم من سهوم المنايا ما علمه
رووس الرجال اللي تحوش المرجله في كل حال
أهل الشجاعة والوفاء والعرف وأهل المكرمه
كل القبايل كاسبين المدح ما فيها جدال
الله ينصرنا على الحوثي وذيك الشرذمه

صح لسان الشاعر الكبير راشد بن فالح

قصيده جزله في رجل يستحق الجزله

وعادة أبو محمد الوفاء والكمال

سلم نقلك اخوي محمد