للغز للشاعر حامد رضا

بسم الله الرحمن الرحيم
أود أن أطرح عليكم لغز من نظمي

وأتمنى أن يعجبكم وتجاوبون عليه بطريقه شعريه (للشعراء)

يامرحبا بالصاحب اللي على الباب=ترحيب من قلباً يعزه ويغليه
جايٍ زياره للنشاماء والاحباب=اللي يحبونه ليا حل طاريه
مايكل الضيفه و لا هو بشراب=للكيف والشاهي وشياً نسويه
يكفيه صوم اليوم مع صفحة كتاب=والفرض والنيه وعمره تكفيه
أيام معدوده ويمشي مع الباب=بعد الزكاة يروح منته بلاقيه

بقلم الشاعر : حامد رضا

يامرحبابالضيف .. للضيف ترحاب = غصبن على من كان مسلم يحييه
اعداد ..ويش اعداد مافي له حساب = مافيه ترحيبٍن بقلبي يكفيه
شهرن نزل فيه القران أفضل كتاب = تعجز جميع الخلق مثله تسويه
شهرن فضيل يلم عدوان وأصحاب = شهرن أجوره فوق مالعقل يحصيه
أجره تكفل فيه فكاك الانشاب = ربٍ الملا كل المخاليق ترجيه
هذا رمضان اللي تقوله على الباب = من كامل احساسي وقلبي بحييه
الحل عانه جاك مرسول بكتاب = شلت الشوايب ثم قدمت صافيه
والحل مايخفي على اصحاب الالباب = كلن على ماقيل عقله يقديه

شكراً على مرورك
ويعطيك الله ألف عافيه
ونعم الإجابه صحيحة
(( شهر رمضان الذي أنزل في القرآن ))

شاعرنى حامد
بيض الله وجهك على اللغز الجميل

وتستحق الشكر عليه

ودام العزيزي موجود فهو كفو والف شكر لك يالعزيزي على المشاركه الطيبه

لكن حناء يالي ما ناء شعار مالنى ألغاز ولا ايش :D

وتقبل تحياتي لك
واصل عزيز

أولاً أشكرك على مرورك بارك الله فيك
ثانياً أنتم الكل في الكل وكلنا لكم الاشعار والمشاركات والألغاز
ولكن قصدي في كلامي إن الشاعر لازم تكون ردودة على اللغز بطريقة شعرية
هذا ما كنت أقصدة
وإني أنتهز هذه الفرصة وأشكر الإدارة وجميع القائمين عليها ممثلتاً بصاحب الإمتياز ( واصل عزيز )
على استقبالهم لي إستقبالاً شيق ومشرف هذا والسلام .

ياهلا والله بالشاعر حامد ووجودك بيننا والله شرف كبير لنا تقبل تحياتي