بحر الهوا

الهوا من طب بحره يلـــــــــــــعن ابو جده
والله اليبطي مرسي في البــــــــحر بابوره
يختلط جزر البحر يا لين يضــــــــرب مده
لين يلعب به مع الا مواج لعب الكـــــوره
منك يا اللي يوم اناظر في ملامح خـــــده
ماتقول الا القمر لامن شعـــــــــشع نوره
والعيون اوساع حور وبا الكحل مسوده
والشعور اللي على الامتان له منــــثوره
لو تغلا يحق له في الزين محد قــــــــــده
يلعن بليسه على العشاق ما اكبر جوره
لو يصد ايام والله ما قويت الـــــــــــصده
ما اقدر اصبر عنه ياعشاق لين ازوره
لانظرها العاشق المغرم يبيح ســــــــده
جل رب صوره في خلقه احسن صــوره
مير يا طير تطير اخذ الخـــــــبر ثم وده
علمه يامر وانا والله ما اخلف شوره

عايض ابن نور العزيزي

صح لسانك ياعايض نور على هالقصيده ويعطيك العافيه

صح لسانك قصيده مميزه الله يعطيك العافيه

صح لسانك تقبل مروري

فجر

مير يا طير تطير اخذ الخـــــــبر ثم وده
علمه يامر وانا والله ما اخلف شوره
ابداع ياعايض يعطيكــ
العافية وصح لسانكـــــ

والعيون اوساع حور وبا الكحل مسوده
والشعور اللي على الامتان له منــــثوره
لو تغلا يحق له في الزين محد قــــــــــده
يلعن بليسه على العشاق ما اكبر جوره

صح لسانك ولاهنت
ماشاء الله عليك