قصة وقصيدة

بسم الله الرحمن الرحيم

السلام عليكم ورحمة الله وبراكاتة
اعظاء منتدانا الغالي أهنئكم بحلول شهر رمضان المبارك وكل عام وانتم بخير
حبيت اطل عليكم بها القصة والقصيدة اللي حصلت معي شخصيآ........ واليكم القصة

يوجد شخص اعرفة معرفة سطحية ليس بيني وبينة اي علاقة وهذا الشخص يمتاز بكبر الشنب وشايف عمرة بشنبة على بالة المرجله كلها بالاشناب
ومره زهم على وأنا ما اخذت بالي منة وزهم على بزعل وقال ما تعبر الاشناب تناديك ولاترد ويقولها وهو زعلان وطلع معي البيت هذا تلقائي ردى على زعلة
بعض الرجال اشناب لاكن على ماش
ترا الشنب ماهو رمز الرجولة
الرجل لما صار للطيب حواش
ماهو بويا العز لو طال جولة
ومن مابناله صيت وش عاد لو عاش
يموت ذكره معة لامات زولة
الطيب متعب مايجي الطيب ببلاش
والله الردا شيى يجي بالسهولة
بخاوي الطيب وببعد عن الاش
مالي مع الانذال ايت عمولة
بخاوي اللي يفتل الراى بنقاش
مثل الجمل للحمل ينقل احمولة
ماهو اضعيف صايب عضمة اهشاش
اليا وقف قامت تصافق ارجولة
للحين صاحي الفكر والفكر ماطاش
يعرف خروجة قبل يعرف دخولة
بطب سوق العرف وشري كاش
ونفسي على الطالات دائم ميولة
وختامها بالصدق ماني بغشاش
منهو رقا باضلع يكرة نزولة

بيض الله وجهك ياابن شداد واله انها قصيده كايفه

والمرجله توافيق وصعب دربها على بعض الرياجيل

وتسلم يمينك

علمك غانم يابن شداد صح لسانك على هل القصيدة

ولاتحرمنا جديدك وابداعك لك خالص مودتي