الاطـــلال.. جزاء الحربي

الشاعر جزا بن صالح الحربي يتذكر مضارب البادية ويبكي على أطلالهم:




أمس الضحى في عالي الرجم عديت ....
وفيضت في راسه عباير خفوقي

وقعدت لين ادلولس الليل ومسيت ....
وحولت منّه ناشفات عروقي

ورديت من بكره عليه وتعليت ....
وقعدت حتى شفت شمس الشروقي

أشرف على دار بها العام مريت ....
واليوم ماكنه سكنها مخلوقي

خليان ماكن ابتنى بارضها بيت ....
بس الفجوج الخاليه والطروقي

وحتى من الأوناس ماشفت ماريت ....
ماغير رسم باقي له رموقي

بس الشنون محذفات تشاتيت ....
شنونن على الديران مثل البهوقي

وشفنا الرسوم اللي عليهن تشافيت ....
رسوم عليها القلب مني شفوقي

رسوم عليها من ازرق الدمع هليت ....
دمع تحدر فوق خدي صفوقي

ليا شفت مدهال الرجال الزناتيت ....
تقول قلبي ينمزع من عروقي

رجال مرابعهم تهيظك لاجيت ....
ومرباعهم بين الجلد والعروقي

ونجورهم للضيف ترسل تصاويت ....
وضيانهم بالليل مثل البروقي

رجال عليهم من قديم تربيت ....
وفارقتهم والقلب مني يتوقي

وابديت مافي داخل القلب وافضيت ....
وانساق من عمق الهواجيس سوقي

وابكي عليهم كل ماصبحت وامسيت ....
وشكواي لله عالم الشان فوقي

وشعاد لو اني بكيت وتمنيت ....
ياما بكى قلبي جزينن عشوقي

وقلبي بكى حي علي غالي ميت ....
والدمع عقّب في ضميره عشوقي

وياما بكى رجل عليه التثابيت....
قبل الوقايع هل دمع حقوقي

ولو لامني بعض الخبول السرابيت ....
اهل النفاق مشدقين الحلوقي

بذني صقه عن حكيهم ماتوحيت ....
ولا احب ناس لسراير تبوقي

وان قالو العذال وش فيك ماابديت ....
ماني على اسرار الاوادم نطوقي

امشي مع العام على ماتوريت ....
اعطي حقوق الناس واخذ حقوقي

الاستاذ محمد العزيزي بيض الله وجهك
وصح الله لسانك ولسان الشاعر جزاء الحربي


قصيده تشكر عليها وهذي ورده من بساتينك ياذيبان فلا تبخل عليني من مالديك

اسئل الله ان ينفع بك البلد والقبيله ويحميك من كل شر ومكروه

وتقبل تحياتي وكل تقديري
واصل بن عزيز

ياهلا فيك اخوي واصل ويسعدني مرورك


والقادم افضل بأذن الله



محمد العزيزي

صح لسانك ولسان الشاعر جزا الحربي قصيده جزله من شاعر جزل وانت كذلك كاتب جزل
ورائع

صح لسان جزا

عزالله قصيده جداااا رائعه وجميل

مشكور اخوي محمد على النقله المميزه

وتقبل احترامي

حامد رضا وانت مرورك شرف للموضوع




تقبل تحياتي

الله لايهينك على مرورك ابو نواف





محمد العزيزي

الله الله الله الله على الشي الجميييييييييييييييييييييييييييييل
و صح لسانك يامحمد وصح لسان الشاعر جزا الحربي
قصيده جزل وتتكلم عن موضوع شيق ويثير الشاعر على
نظم القصيد (مضارب الباديه واطلالهم) له مكانه خاصه في قلوب
عشاق الباديه ومشكوووووووووووووووووووووور
يعطيك العافيه




عمـــــ عمران ـــــــــر

واشكرك على مرورك عمر



تقبل تحياتي

مشكور
والله يعطيك العافيه