(الله من قلبً همومه وطنه) (كنه يسمر في ضلوعه مسامير)

الله من قلبً همومه وطنه =كنه يسمر في ضلوعه مسامير
ياطارقاً نجر الهوى لا تدنه =جورك عليه يكسر القلب تكسير
واعزتي لسعود من كبر سنه =عنه انتحى عصر الصبا والغنادير
في مامضى غيد الصبايا يبنه =واليوم ماله من وراهن مشاوير
حتى ابن هادي بالعيون احربنه =تغيرت لفتاتهن والمضاهير
ماكنهن عقب الغلا يعرفنه =راحن على ريف النشاما مناكير
والخس في قلبه من الحب لنه= مركز دفاعه بين هدمن وتعمير
والى نشدته قال قلبي خذنه= يامن ذكر لي وردهن والمصادير
وصحن الى شفته مع الناس كنه =بين الرجا والياس يرسل مداوير
يطحن غرامه والهموم طحننه =يشكي على دبيان بعض التدابير
اقفى جديد العمر مافيه منه =اقفاي عشب جاه صيف ومعاصير
كنت مزونه والسمايم شونه =وابعد ثراه ويبسن النواوير
ليت الليالي ماخذن رجعنه =ينشاف زمل مدوجرات البواصير
يوم الحطب بحبالهن يجمعنه= بين الفياض وسانحات الدواوير
راع الهوى لو مايجيهن يجنه= والشك زايل والطوارف مسايير
والى لفاهم طارشاً ينشدنه =عينت ماعينت من غير تقصير
والى تلافن من ربيعاً قضنه= تقابلن مقطانهن بالتباشير
والعصر غالي لبسهن ينشرنه= بين البيوت وبين ورادت البير
يازين صب الدلو بقدورهنه =قدام ترو مرزمات المعاشير
مافيه رادو بالغنا يسمعنه =وإلا جهازً يختلف بالتصاوير
بس المدوه يوم للبوش حنه= وقولت ياراع السانيه بالمحادير
راع المحبه بالنظر يشغلنه =تنشق دلوه بين روس المناعير
كم عاشقً بخدودهن صوبنه= ومعكرشاً فوق الردايف دعاثير
على العبس ومن الشمطري غذنه= ماقصصوهن عاملين الكوافير
واليوم وقتاً يوذي الناس فنه =عشق الهواتف والصور والمزامير
وسعود صاح وتالي الصوت ونه =ومحمد اخفى صيحته بالمعاذير
أبو خلف عجف السنين محلنه= يومين وألا يذكر البيض بالخير
طشوا كلايف جيشهم والأعنه= ماعاد قالو درجوهن مغاوير
يارب بدل نار الايام جنه =واغفر ذنوب اهل الوجيه المسافير
ياللي تدن النجر دنه ورنه= خله يجضور من غرامه تجضوير
حنا هله كان اليدين أطلقنه =الى منها قلة عليه المعاسير
مايملكن أيدننا يخرجنه= من قبل لا تكثر علينا الدنانير
لاشك بعض ربوعنا مستجنه =قاموا علينا يطلقون الحناجير
أشوفها من غير لنه وهنه =قامت تفجر بعض الالغام تفجير
جتنابهم خيل الفسق مستعنه =مدري وش المقصد ورا مطير لمطير
حنا نسايرهم على حسن ضنه= ونسامح المخطي معزه وتقدير
والى تجاهلنا خطاهم منعنه =قالوا بلاهم خوف والا معاسير
الخوف منه قلوبنا مطمئنه= ماهمنا شلفا ابن غانم ولا الزير
أن ألتفتنا للسباع المسنه= تبي تصير الشلف حدر القناطير
أخير للدنيا تجي مرجهنه= قدام راع الكير ينفخ على الكير
أن كان جت بالشعر حنا مغنه= حنا مصخرت التماثيل تصخير
لو نلحق المشقاص قوماً مرنه= فرت بعض ناساً فرير العصافير
الى فتحنا باب شعراً نكنه =يسلمانا الكافر ويركع لنا الطير
والله يالولي خطو رجلاً نحنه =لا اقلب عبى ناساً هنيا مخامير
لا اسن فيهم شي ماحدن يسنه =شياً نجيبه مقطعه من زمهرير
يابعضهم ياعضاه ماينهضنه =وانه لينكل عن جميع التهاتير
لاشك جتنا من ربوعاً مضنه =سوالفاً ماعرف لها كل تفسير
أقربهم مفرح هجوسه عصنه =شغل تماتيكه على غير تعيير
يوم البيوت اللي بنى شجعنه =أذاعها بين الدول والجماهير
وادلى على ربعه بشياً يضنه= يقول اشوف الشيب فيكم مغاتير
والشيب ياراع التماثيل سنه =ماعذرب اللي ينطحون الطوابير
حمّاية القشرى ثبار المدنه =الى قبلن ذولي وذولي مدابير
الشيب مابه عيب لاتحسبنه= العيب من جنب طريق المناعير
من شب شاب ولو سنينه عطنه =والشيب في وجه الرجل زود تقدير
وأن كان به عذروب مافيه منه =أنته نزلت مع الرشا لأسفل البير
عودٍ وجسمك يقرع اقراع شنه= تبي تصيغر وانته اكبر من النير
هرش الحضيره باركن لّه بعنه= ثاوي وعينينه بالامه مطايير
الى شاف من تمشط شعرها بخنه= قام يتلفت وارزم ارزامت بعير
يبي السنين اللي مضن فاختنه =أيام ورد الماء ولبس المقازير
يومنهن بعيونهن يفتننه= نجل العيون مزعلات الحجاجير
اللي كما ارقاب المها ارقابهنه= تقول فيهن مثل ماياصف عمير
كن العسل في مفلج عذابهنه =والموت لامن دلعن بالازارير
كنك تشوف الماء ورا حلوقهنه =ونهودهن حمرن وفيهن دواوير
مثل ابو فيصل بالهوى يشعفنه= لاشك اضن الزند مافيه تشرير
واليوم فارقهن وهن فارقنه =لو انه اغلى الصبغ عند العطاطير

سلم نقلك اخوي خوي سالم
وتقبل مروري

المشاركة الأصلية كتبت بواسطة الليث

سلم نقلك اخوي خوي سالم
وتقبل مروري

وانت سالم وغانم
والله ياخوك عقدني التنسيق وتركتها
وياليت الاخوان يحلون مشكلة برنامج التنسيق

اليك ااخي االطريس
في التنسيق ماعندتا الوقت الحالي غيرالطريس
الله يعطيه طولت العمر والصحه والعافيه

المشاركة الأصلية كتبت بواسطة الليث

اليك ااخي االطريس
في التنسيق ماعندنا الوقت الحالي غيرالطريس
الله يعطيه طولت العمر والصحه والعافيه

الطريس
ابو فيصل
من بدايات المنتدى وهو ثابت
كجبال السروات في وجه الاعاصير
ولم يلين ولم يكل ولم يمل
لوكنت شاعر لنقشت اروع الابيات فيه

يارويــضي يامـــنـــيع الله ونايف
طالبين فمدح ابوفـــــيصل قصيده

الطريس اللي على الطالات كايف
بالكرم والطيب جـــعـــل الله يزيده
اخوي خوي سالم
طلبنا من الشعراء المذكوره اسماهم اعلا
بقصيده وعسى ان يلبون النداء

المشاركة الأصلية كتبت بواسطة الليث

يارويــضي يامـــنـــيع الله ونايف
طالبين فمدح ابوفـــــيصل قصيده

الطريس اللي على الطالات كايف
بالكرم والطيب جـــعـــل الله يزيده
اخوي خوي سالم
طلبنا من الشعراء المذكوره اسماهم اعلا
بقصيده وعسى ان يلبون النداء

احسنت ان شاء الله مايردونك خايب

اخوي خوي سالم

تم تنسيق القصيده والصندوق مافيه اي مشكله

شكرا لك على الاطراء الذي احرج تواضعي

والله ان خدمتكم شرف لي

وشكرا لك اخوي الليث على هذا النداء والله اني ماعملت شيء استحق عليه قصيده

والله تواجدي بينكم يعزني ويرفع راسي واعتبره تكريم لي منكم

لاخلا ولاعدم