عديت رجمٍ معتلي . لـ سليمان الرهيف

عديت رجم(ن) معتلي لاهو طويل ولاقصير=وقمت استخيل افعول ربعي واستلذ بطعمها
وليا انها بين القبايل كنها البدر المنير=تعجبك فزعتها ووقفتها بوقت اللزومها
سمٍ سقطريرين على العدوان فاليوم العسير=لاعمومسة قل العداء من كثرها ماهمها
كسابة النوماس فالميدان بالسيف الشطير=يشهدلها التاريخ والبيداء بقو إعزومها
أسال اعداها عن نهار إهدان منقطع النظير=ولا المقيطع في اعتراك الدم سيل دمها
مع غيرها مع غيرها من غيرها الشي الكثير=نبذه بسيطه من فعايلهم عطيب(ن) سمها
ربعي مقابيس الوغى ماقدمهم درب(ن) عسير=لو وجهوا وجهة جبل جتك الجبال بزمها
آلاد وايل لأعتزوا منها المعادي يستذير=وليا وردوا عد(ن) روي يردون بارد جمها
بني عزيز اهل الحميا يامحكمة الظمير=ويسعد عين اللي من الضيقه يوجه يمها
من دون نقص(ن) فالقبايل كل ماصاح النذير=ماني مخصص به حدا كل الجموع اعمها
افخر بصملتهم نهار الكون والصاير يصير=لامن تبعت فعلوهم نفسي يشتت همها
شهب(ن) على العدوان نار(ن) موقده شر(ن) شرير=يعجبك في وقت التحام الصف سرع اقدامها
موت(ن) حمر على العداء ريح(ن) عتيه زمهرير=هذا وصلى الله على طه النبي اختامها

سليمان الرهيف

صح لسان الشاعر سليمان الرهيف

افتخر بما يفتخر ايضاً