قـصـيدة الــشـاعر الكبير/ بدر شامان ( جيت الطبيب)

بسم الله الرحمن الرحيم

قصيده رددها الكثير وإنتشرت عبر البلوتوث في أنحاء المملكه

للشاعر الكبير/ بدر بن شامان الميموني المطيري

جيت الطبيب وقلت أنا انسان مرضان=وفحص علي وقـال قرحـه وقالـون
وجاب الحبوب أصناف واشكال وألوان=قال أكل هذي قلـت مانـى بمجنـون
قال أنت تلعب قلـت مانـي بسكـران=أكل حبوب (ن) جبتها ملـي كرتـون
ومشيت من عنده معصـب وزعـلان=وجيت المطوع قال اخذ زيت زيتـون
قلت السبب قال أنت بالحيـل تعبـان=عندك قلق ومصارعة جـن وعيـون
قلـت الله أكبـر يامطـوع سليمـان=ياللى تبيع الزيـت والنـاس يشـرون
يمديك من بيعـه مطنطـخ وفسقـان=ويمدي رصيدك فوق عشرين مليـون
قال انت صاحي قلت صاحي ياوجعان=أنـت وطبيبـك كلبوكـم تهلـسـون
أنا بلايه من هـوى خـدر الأعيـان=أشحن غلاه وخاطرى منـه مشحـون
أتلى العهـد بـه يـوم روح مسيـان=عصرية الجمعه على جيـب صالـون
جيتـه موقـف عنـد كبـري بنبـان=فى جيبهم تهريـب علبـة دركسـون
وعطيتهم جيك(ن) من الزيـت مليـان=قالـوا نبـى نعطيـك رقـم التلفـون
وفطنلـى السـواق والعلـم نيـشـان=قال امش قلت أبنتظـر ليـن تمشـون
وتابعتهم والجيب مسـرع وعجـلان=اذنهـم فاحـدى المحطـات يقـفـون
وعلى مغيب الشمس مع وقـت الأذان=قلت أنهم حـول أم سـدره يصلـون
وسريت معهـم ليـن وازنـي أبـان=ولفيـت للبتـرى وعـيـوا يلـفـون
واخذت رقم الجيب ابي منـه عقـلان=وروابع المشتاق مـن دون فـى دون

ونتمنى من شعراء المنتدى مجارات القصيده

أبـن حـافل

أشكـرك على النقل الأكثر من رائع

وصح لسان أبو شامان

تحيــــــاتي

ابن صعير مشكور على المرور

هلا والله أخوي المتألق دوماً ابن حافل

قصيدة جميلة واختيار موفق

صح لسانك ولسان الشاعر ابن شامان الميموني


ما قصرت والله في النقل الموفق يالذيب


مشكوووووووووووور


كــُن بـخـيـر أخــي


الـفــارس

أبو عبدالعزيز

الفارس

مشكور على المرور

ولا شاعر من شعراء المنتدى وضع مجاراة للقصيدة

وينكم