ياليت غازي يجيني واخذ اخباره

ياليت غازي يجيني واخذ اخباره
ويجيب علمن عن المجمول يحييني
خلي بعيد وعني نازحن داره
ولا غيره احد من العالم يسليني
عندي هلكسن خلالة قوم محتاره
لا جيت بطرش عليها ما تهقويني
ماياصله كود جمسن تو مختاره
ومن الوكاله مركبله قزوزيني
عليه قرمن يحوف القير والطاره
ويقول ادل الدروب ولا توصيني
اليا عطاله بطينن ثور غباره
يشديه ثعل تطلق مع حماليني
يعطي بطين النفود ولا يجي القاره
من خوف تثر توايره الصعانيني
وحذف الحصى من يمين الشاص ويساره
كنه مركب وراه عيار خمسيني
ملفاه عودن يحوف البن وبهاره
في ربعته ريف من هم جوه لافيني
قولو طلبنا الحبيب ناسع جماره
اطلب ونعطيك لا تبغى ملاييني
تره بين يشادي عود نواره
ياعود موز يساقنه وداديني
واذا حصلي عشيري مانبي غاره
حلفت لا توب عن كل المزاييني
الشاعر : خالد متعب القلعاء

خالد
صح لسانك وأعتلا شانك

عليه قرمن يحوف القير والطاره
ويقول ادل الدروب ولا توصيني

بيض الله وجهك
فعلا هنا أستمتعنا بقصيدة فريدة من نوعها

ننتظر جديدك

تقبل مروري المتواضع

خالد القلعا انت شاعر مميز

صح لسانك وسلمت يمينك علي النقل

واذا حصلي عشيري مانبي غاره
حلفت لا توب عن كل المزاييني

الله يخليكم لبعض ويجمعكم علي خير

المشاركة الأصلية كتبت بواسطة حفيد عامر خوي الذيب

خالد
صح لسانك وأعتلا شانك

عليه قرمن يحوف القير والطاره
ويقول ادل الدروب ولا توصيني

بيض الله وجهك
فعلا هنا أستمتعنا بقصيدة فريدة من نوعها

ننتظر جديدك

تقبل مروري المتواضع

صح بدنك ومشكور اخوي على مرورك الرائع

المشاركة الأصلية كتبت بواسطة عابر سبيل

خالد القلعا انت شاعر مميز

صح لسانك وسلمت يمينك علي النقل

واذا حصلي عشيري مانبي غاره
حلفت لا توب عن كل المزاييني

الله يخليكم لبعض ويجمعكم علي خير

مشكور اخوي عابر سبيل على مرورك الرائع والجميل

الله الله


رائعه بالفعل يا ابو متعب


صح لسانك على هالجزله


تقبل مروري