وينك ياواصل عزيز

ياصاحبي واصل عزيز انت وينك
لي فترتاً ماشفت لك لومــوضـوع

بـحـط انا المــعــدال بـيـنـي وبينك
والعذر عند الليث ياخوك ممنوع

عـجــل عـلـي بالرد والله يــعــينك
مانقبل اعــذارك لـو النت مقطوع

اشكرك اخوي الليث على هذه الابيات

وانا ابشارك بهذه الابيات بس لاتنظر للوزن تراها ياالله جات

واتمنى من الاعضاء وخاصة الشعار مجارات قصديتك حفظك الله

اما باالنسبة للاعضاء الغير شعار لو مشاركتهم تجي بدون وزن

ياواصل عزيز وينك ترى طول غيابك

سجل حضورك ودور معك فزوع

فزعة على الليث عسى ربي يطول شبابك

عطنا الموعد ياواصل متى الرجوع

هذا جوابي وعطنا جوابك

ترى الليث ذبحنا انا والطريس باالمزوع

اؤيد فكرتك اخي ابن الذيب
ومعذور بالوزن لكل من يشارك غيرالشعار
اسعدني مرورك واحييك على شعورك

الأخ الغالي الليث صح لسانك واعتلا شانك

الجميع ينتظر نزف محبرت قلم الأخ القدير واصل عزيز مؤسس منتدى بني عزيز

القلم الذي ابحر بالإبداع والرقي في هذا الصرح

كل الشكر لك أخي الغالي الليث ولاهنت ي الذيب

وغـــلاك يـبـقـاء داخـمــدوع ل الـقـلــب

اخوي ابو عمران الكلمه اللي بالازرق لحست مخي ياليت تترجمها لي هههههههههههههه

اخوي الليث صح لسانك على العتب الاخوي

وكلنا مشتاقين لوجود قايد المسيره

وغـــلاك يـبـقـاء داخـمــدوع ل الـقـلــب
وغلاك يبقاء داخل القلب مودوع
اعتقد انها يالطريس كذا ولا لايابن عمران
كل الشكر اخي الطريس
اسعدني مرورك

المشاركة الأصلية كتبت بواسطة فارس N مطير

الأخ الغالي الليث صح لسانك واعتلا شانك

الجميع ينتظر نزف محبرت قلم الأخ القدير واصل عزيز مؤسس منتدى بني عزيز

القلم الذي ابحر بالإبداع والرقي في هذا الصرح

كل الشكر لك أخي الغالي الليث ولاهنت ي الذيب

اخي العزيز فارس n مطير
ارحب بعودتك واسعدني مرورك
كل الشكر

المشاركة الأصلية كتبت بواسطة عمر عمران

شكراً يابن عـمـران وتـستر عـيـنك
عسى السعاده دربكم ورد مزروع

وفـيـت ثــم كـفيـت وعــــاشت سنينك
تتستاهـل الرايه وبالطــيب مرفـوع

يالمنـتدى فاغـــياب ربعي ياشـيــنك
ربعي غـــلاهـم داخل القلب مطبــوع

مشتاقين لقلم واصل عزيز