لموزين

قررت تالي الوقت باخذ ليـــموزين
وودي الاســـواق في كل للـــيله

واحمل التاكـــسي بنات(ن)مزايين
وشيل به راع الرموش الظلـــــــيله

اخذت تاكسي كـاش والله ماهودين
مـــوتــــر جـديد وتو نازل مديــــــــله

ولبست لبس الهندي اللي له سنين
كـــــداد والملبوس جنــــز وفنــــــيله

ولبست لي قبوع والشــــعر لونــين
كاني بنـــقالي تو جــــــابه كفــــيله

وتلــــيتها بثنــــــين بين الصــــــلاتين
بشوف لي راكـــــب علــشان اشيله

ولقيت لي في الخــــط ياناس ثنتين
يمشن والخــــطوة شــــويه ثقــــيله

ثم عندهن وقفت ياللـــــــيل ياعيـــن
بجرب التاكـــــسي وجرب حصـــــيله

ثم اركبً قالً بنـــقالي ومســــــكين
جـاي(ن) من البــــنقال لا وحلــــــيله

هزيت راســــــي قلت ماما يبي فين
قال(ن) نبـــي الظـهران كانك دلليله

قلت اركـــــبي ماما انا روح ذلحـــين
مجـــــمع الظــــــهران كلً يجـــي له

هذا المجـــــــمع فيه كل الفــساتين
واســــعارهم لجلك ياعمه قلــــــيله


قالت يبي رقم انت من شان بعدين
اكلــــــمك وصــــير عندك عمـــــيله

وعطيتها رقمي وفي القلب نارين
وعلمتها باسمي وباسم القــــبيله

من غيرمااشعر صرت مثل المجانين
اعمـــــيتها ماعاد فــــيها وســـــيله

ثم ناظرت نظره ومعها شـــــياطين
قالت سعودي صدق مافيك حــيله

وهذي دعابه قلــــتها بين قوسين
ولاالشــــــعر ماني بجاهل جزيله

عايض نور العزيزي

ههههههههههههههه
قسم بالله مازلت اقول انت شاعر خيالي تجيد فن الابداع الشعري
هلا اخوي عايض وحياك الله واعذرني عن الغياب
رحت مجمع الظهران ابحث عنك مغير اطالع في اللموزينات

اخوي الليث حياك الله بعد طول الغياب وهذي شهاده منك اعتز فيهاوانا والله اني فاقدك من زمان ومن طول الغيبات جاب الغنايم