شـــــــــــــــف قلبي

أنا شف قلبي ديرتن مابها سكان=ياكود الجوازي تتطرد في مفاليها
فيافي خليه مارعاها صبي الضان=ولاعمره العساس دوج بأراضيها
على جبالها لاأقبل مساها قنب سرحان=ونسنس هواها وأستكن كل مافيها
ورشرش مطرها بين سبلن على هتان=ألين السيول تضك واسع مجاريها
عطاها الولي خضرة ومنظر زهر فتان=رياضن توسع بالحيا صدر ماشيها
وإذا ماحصل ودي بأدوج مع البران=وأسج القدم في ديرة الله محليها
بأسج القدم يوم أتمشى مع البدوان=وأشوف الركايب والرعايا تباريها
وتلقى البيوت اللي تنصب على العمدان=بيوتن بها تكثر تراحيب راعيها
وتلقى الدلال الصفر تركى على النيران=ومحماس بن بكف ذيبن يسويها
ويازين شوف الذود تدحم مع الحيران=على جال عدن من حمى القيض يسقيها
وصوت المحالة يختلط مع صدى الرعيان=رجالن على الشدات تثبت مواطيها
يقاسون ظيم الوقت وملاطم الأزمان=وليا ذرعوا بقعاء تصاغر بلاويها
كتبها الضمير العاشق الملهم الولهان=على شف قلبي يوم أغني بطاريها

ولكم تحياتي

صح لســانك يـاتـركي

وننتظر بـاقي أبـداعـاتك

تحيـــاتي

أبــن صـعـيـر

صح لساانكـ ياحفيد عامر

وبإنتظار قصايدكـ وشعر وجديدكـ وكل ماتطرحهـ بالمنتىآ تقبل تواااااااااجدي

أخوي وشاعرنا تركي العزيزي

صح لسانك يا شاعرنا


قصيدة جميلة و وتصوير رائع بالفعل

ما شاء الله عليك


مبدع ومتميز

شاعر يا تركي شاعر


سجلني دوماً معجب بما تكتب أيها المتألق

سلمت ولاهنت

الاخ تركي العزيزي
قصيده اكثر من رايعه
ياليت توضح قائلها ولك الشكر

أبن صعير



ملك الغرام




الفارس


الله يسلمكم


وهذا من حسن ذائقتكم.



شكرا على المرور


ودمتم ساااااااااااااالمين

أخوي الطريس:

حياك الله

وبالنسبه للقصيده أو القصايد التي لاأكتب أسم صاحبها

فهي من قصائدي.



ولك مني كل التقدير




ودمت سالم

صح لسان الشاعر تركي ولاهي غريبه عليك ولك مني فايق احترامي

صـــــــح لســـــــــانك

الله الله إبداع رائع والله. ودي بذيك الايام


يعطيك العافيه يابن العم

أخواني:

Alazizi



والوايلي




صحت أبدانكم


وتقبلوا تحياتي