!!........ يــاتركــــي ..........!!

السلام عليكم ورحمة الله وبركاته

بعد غياب أعود إليكم بأول مشاركه لي في هذا القسم

أتمنى أن تنال إستحسانكم وإعجابكم


\\

//

ياتركي خايلة الرفاقـه ف\ الأهـوال=وياكثر. من ثنّـى بدربـي رجولـه
ماكل كيف ٍ ينشرب وسـط فنجـال=ولا كـل حـرف ٍ لاطرالـك تقولـه
دنيا رديه كـل يـوم ٍ علـى حـال=مثل السراب اللـي تمـادى بطولـه
شدت هواجيسـي توالـت بترحـال=والفكر الاقشر تايـه ٍ فـي ميولـه
ياخذني (إ)لشرقه ويعديبي (إ)شمـال=ويردني (إ)لغربـه ويعقـد حلولـه
ذاب القمر والحال هذا هـو الحـال=يسج فالمضمـار واسـرج خيولـه
تاهت سنين العمْر تبحث عن اظـلال=والوقت.. يمضي بي بليـا عجولـه
والبسمه .اشْفاهي.. تباعدها آمـال=كله من أسباب الدهـر فـي فعولـه
مات الوفا وصدقه تغشت به رمـال=والبن الاشقـر مابقـى ألا حثولـه
ياخوك أنا بوصيك.. كان العمر طال=أحفظ وصاتـي وأعتمـد هالمقولـه
لآخير في رفقـة ردييـن الاعمـال=تقديك عن درب السنـع والرجولـه
أن مآنفخو لك كير.. ردولك الحـال=وتصبح فريسة قال . وشخص ٍ يقوله
أبعد عن الخايب وعن كـل محتـال=أضعاف نفس و مابهم من فضولـه
ألزم مجالس من لهم طيب الافعـال=فيها الكرم والجـود يثقـل حمولـه
تلقى بها عزه وصـدق ٍ ف\الاقـوال=والعود الازرق ماخذ ٍ فيهـا جولـه
هذي رفاقت من بغى طيّّـب الفـال=واللي وطى عقاله توطـى أصولـه
حط الشجاعه بيـن عينيـك تمثـال=عفيف نفس ٍ ف\المواقـف صمولـه
حر ٍ على نهـج السناعيـس بتـال=أرفـع شموخـك لاتـردي العمولـه
تم الخبر ياخـوك وأحكـم بالأمثـال=لا تنقـص الكيلـه ولا ربـع تولـه
أبوي قييدني وأنـا أربطـك بحبـال=حبل المراجل ..من طمع له ينولـه
العْمر ..فاني والقضى لحـد ينشـال=وينحط في قبـر ٍ مقاييـس طولـه
ويبقى لك الذكر الحسن بين الأجيـال=تدعي لك الرحمـه بنفـس ٍ ذهولـه

أخوكم سايق الخير

سايق الخير
أسفرت وأنورت بقدومك ( النت يالغالي )
صح لسانك وسلم بنانك
قصيدة رائعة وأكيد تركي يستاهل
وفهم قصدك ونتمنا أن نشاهد رده قريبا
.........................
وإن كان لي من تعليق
..........................
ذكرت في أحد الأبيات ( السناعيس )
حر ٍ على نهـج السناعيـس بتـال
_________ أرفع شموخـك لاتـردي العمولـه
والسناعيس طغى على العرف بأنهم شمر
وإن كنت تريد ذلك فقد أصبت
وإن كان تقصد بها شيء ثاني يجب أن تنتبه لها مستقبلاً
.........................
أخوك المهنس آيه الرائع

يعطيك العافيه

صح لسانك

هلا وغلا فيك من اول وجديد ونتطلع لمزيد من ابدعاتك

تقبل سلامي

سايق الخير

صح لسانك

ويعطيك العافيه

سايق الخير

صح لسانك

ويعطيك العافيه

مرحبا بشاعرنا المبدع سايق الخيررررررررر

شرفتنا بقدومك من جديد طال عمرك

وصح الساااانك على القصيده الجزله والوافيه

ولاهنت على الابدااااااااااااااااااااع

لآخير في رفقـة ردييـن الاعمـال
............................. تقديك عن درب السنـع والرجولـه
أن مآنفخو لك كير.. ردولك الحـال
............................ وتصبح فريسة قال . وشخص ٍ يقوله


لك مني كل الشكر والتقدير

عمرعمراااااااااااااااااان

سايق الخير

صح لسانك

سايق الخير

صح السانك

تحياتي

سايق الخير

سجل اعجابي بقصيدتك الرائعه

صح الله لسانك

وماحنا عاذرينك نبي قصايد منك ونطمع فالمزيد


ومبدع ماشاء الله عليك


وتقبل تحياتي

سايق الخير

قصيده رايعه كروعة حضورك

صح لسانك بانتظار جديدك

اخوك

الطريس