ياوجودي وجد عودن ولا يقدر يقوم

ياوجودي وجد عودن ولا يقدر يقوم
لاتذكر في زمانن مضاله وش جرى




حدته دنياه والصدر مليانن هموم
والسموم أتصارعه والشتاه ما من ذرى




من السعاده يابو ناصر صار في دنياه محروم
لا عيال ولا جماعه ولا حتى أقصرى




كل ماعدى عصيرن على ذيك الرجوم
دمع عينه يابوناصر على خده جرى



فوق خده كنه السيل بطراف الحزوم
من حقوق أخيال وسمن برقه سرى



لاتذكر مامضاله مثل طيف الحلوم
مامضاله يابوناصر على باله طرى



جرله ونه عقب ضاع حيله والعزوم
يوم شاف الحال من كثر ماجاه أنبرى



ماله عيالن عقب شاب يقضون اللزوم
شال حمل ثقل ضلعان مكه والقرى



مارضي بالذل نفسه عن الهين تشوم
طب سوق اهل المعزه وبها باع وشرى



ذاك وجودي مثل وجده عل بنت القروم
خبره اللي عن غرامه وحبه مادرى



الشا عر خالد متعب القلعاء

صح الله لسانك ياخالد


وقصيده في غاية الروعه والجمال




نشكرك عليها



تحياتي