أنهيت حبك وباب الهم بـ أسدهـ

جتك المشاعر تسوق الكرهـ محتـدهـ
تشرح لك الوضع .. ليتـك تفهمـه ليتـك

ما أبيـه وقـت ٍ معـاك الله .. لايــردهـ
عقب المحبـة تـراي بـجـد .. وطـّيتـك

دامي خسرتك ترى الصدهـ هي الصدهـ
في دار الاموات عن دنيـاي عديتـك

رح دوّر اللي عطـاك الشـوق وتـودهـ
كان الخطا من خفوقي يـوم حبيتـك

" الحب غلطه معك " يلعن ابو جـدهـ
لا عاش راسي تشوف أن كان ما أبكيتك

أعطيتك اللي تعجز النـاس عـن عـدهـ
ما فيه شي ٍ ( طلبته ) ثـم رديتـك

لقيـت دربـك بـه الحسـرات ممـتـدهـ
ظلمت نفسي .. خسارهـ كيـف عليتـك

سليت سيفـك بـ وجهـي حيـل .. وتحـدهـ
ما كني اللـي نزفـت الجـرح وأغليتـك

.. العالم اللـي دخلتـه ما أنت بـ قــّـده
نسيـت عمـري وراك .. ولا تناسيـتـك

ابشر بـ قسـوة تبـد الحيـل .. وتهـدهـ
ومع كل هذا .. تـرى ما ظنـي أوفيتـك

ذكراك تبقى بـ وسـط الجـوف مسودهـ
لو الليالي تعرفك زيـن .. مـا جيتـك

خلاص كرهـي تجاهـك واصـل ٍ حـدهـ
من نفس كاسك عطيتك كاس واسقيتـك

" ما أبيك وقت " الرخا " ولا أبيك " بـ الشدهـ
مليت منهـا ( حياتـك ) .. دام خليتـك

انهيت حبـك وبـاب ( الهـم ) بـ اسـدهـ
" ما عاد قلبي مثل ما كان .. هـو " بيتـك

بعض المشاعر تموت .. ولا لهـا ردهـ
بـ الضبط مثلي .. نسفت الحـب وانهيتـك
مماراااق لي

ما فيه شي ٍ ( طلبته ) ثـم رديتـك
ــــــــــــــــــــــــــــــــــــــــــــــــــ ــــــــــــــــــــــ

مافيه شيٍ كتبته إلا وقراءته مبدع وتعديت الابداع نفسه

وأنا بعد أحب أقرا أبداعك

صح لسانك والله لا يحرمنا
من ها الأبــداع المـمـيـز

ما فيه شي ٍ ( طلبته ) ثـم رديتـك
ــــــــــــــــــــــــــــــــــــــــــــــــــ ــــــــــــــــــــــ

مافيه شيٍ كتبته إلا وقراءته مبدع وتعديت الابداع نفسه

ومافيه شي أنقله للمنتدى ألا علشان الي مثلك وشرواك يتذوقون الشعر

</i></b>

وأنا بعد أحب أقرا أبداعك

وأنا أحب أن فيه ناس تشوف أبداعي وتثني عليه

صح لسانك والله لا يحرمنا
من ها الأبــداع المـمـيـز

تسلم ياأبن سمران ولايهمك راح أغرق المنتدى بالأبداع
بس الي أبيه منكم مروكم وأرشادكم وتوجيهاتكم
الله لايحرمني منكم

</i></b>