<< تمّر السنــه ما نحوش تعلـيم والا فلـوس × وهـذي هي الأرزاق , هـذي هي الاقـسـام >>

حسبي على الايــام تمشي وحنا جلـوس = تمّر السنه معها عـلـينا مرور إكــــرام
تمّر السنــه ما نحوش تعلـيم والا فلـوس = وهـذي هي الأرزاق , هـذي هي الاقـسـام
معودني الشايــب على الصرف للناموس=يمــناي مخــروقه وجيبي مكان إعـــدام
كان إرمضان اصيام عن ما بغت الانفوس = وذالحين حــنا في صـيــامٍ طوال العــام
يقولـون يعـطي الوقــت للجاهـلـين دروس = مواقــف تعلـمهم بلـيا كــتـب واقـــــلام
علمي يا ابن ذيـبــان ما فيه لف و حـوس= صامــد مكاني غير ايديني ورى و قدام
الصـيـف جاكم و العرب قومّــوه اعروس= وانا ما وصلـنـي كرت جارة بلاد الشام
عقب الوصـل والود صرنا ندز اعســوس = ليه الجفا ليه القطاعه ؟ حشا ما انلام !!
يا أم العيون الحـور طرفك يثـيـر اهجـوس =و قلبي حلالك ما لـ احــد فيـه ملي جرام
لولا السحا والدين ما آرسلت جيـتك دوس = بقابلك لا يـــدري خــوال ٍ بـنـا و اعمــام
وأنا ما علّي خــلاف في جـرة المنكـوس = خابر حــدودي ، خابر ان ديني الاســـلام
أعاتب كحيل الطرف وارفا الوضع واسوس = واراعي ضميري بين الأقدام والاحجام
وجودي وجود النخله الي كـلاها الســوس = يخرف رطـبها الطـير والنـاس والانعـام
هـــب الشمــاليـه طرحــهـــا بلــيـــا فــوس=رمز الوفـــا و التضحيه انقسم لــ أقسام
أحلامــنــا الورديـــه انـقـلـبـت لكــابـــوس=تحطــم شعـــوري مـثـل ما تنكسر الاصنام
سجــيـن الغــلا داخـل نطاق الغلا محبوس = تهـمـته وافـي والوفــا ذا الزمـان إجـــرام
خــيـبـة الأمـــل والله يا هي تكــسّـر روس = قامــت على الآمال وأمست على الاوهــام