▓▓▓◄◄ على الثرى وعيوننا فـ الثريا ۞ ما نعشق الهين وماننتمي لـه ►►▓▓▓

اناشف بالي سجت"في نبات الروض=ولويوم في برالفيافي على رجلي
ليا شفت براق الحيا فالسحاب ينوض=وميضه يشادي ساق طرقا" بها حجلي
على هجعة الهلباج ومجدل المنقوض =في جو البلد جوالبلد مايخارجلي
حزمت الزهاب وعزبة كامله فالحوض=وأخذت الطريق اللي يودي وانا عجلي
ومع اول بزوغ النورزهابنا مقضوض=كنف حاجرممطور قبل الغبش يجلي
نواويره تشوف الندى جوفها محفوض=ونفحة شذها يوم ادوٌج تعجعجلي
اسج القدم في خايع" واديه مفيوض=قفر ماوطاه مربي السمر والحجلي
ذعاذيع نوده تشفي الكدر والمبهوض=وعشبه تقل من فاخر الزل ينسجلي
واقرب معاميلي وامد النظر واروض=واحط الحطب فالنار لين يتوهجلي
واسوي قهوة" تقعد الخاوي الممروض=واجر الهجيني واطرق الحر والزجلي
وذا بيت مفتول المعاني وذا منقوض=وذي سالفة رجل" يسولف على رجلي
برفقة طحاطيح" تخوض اللوازم خوض=وتارد عدود الري ماتارد الهجلي
حزام الشدايد في الشدايد تفي وتعوض=لياكشرت سود الليالي تبالجلي
وانا اقرض رفيقي عند عوزه واسدقروض=وزرع الجميل براعي الطيب ينتجلي
اهل عرف بالسنه واهل عرف بالمفروض=ولاتعرف التهريج والزيف والدجلي
احصل وناسة خاطري والنفوس حظوض=احد خافقه فالبريانس واحد وجلي
واحد لهوته فالبيت ويتابع المعروض=ومن خوة الشرهين واهل الولع خجلي
تراها طراة العمردام العمر ملحوض=ابا اسوج رجلي وانبسط قبل يجي اجلي