قصيدة الملك عبد العزيز بن عبدالرحمن ال سعود (طيب الله ثراه)

بسم الله الرحمن الرحيم
السلام عليكم ورحمة الله وبركاته

قصيدة الملك عبد العزيز (طيب الله ثراه)

وهني الترف منسوع الجديلـه=ماضواه الليل دون مغرزاتـي
قاعدٍ بالبيت يبكي عزتـي لـه=يوم شاف ركاب خله مقفياتـي
وردوهن هيت وأخطاه الدليلـه=والموارد غير هيت مقضباتـي
روحن مثل القطا صوب الثميله=ضمرٍ تضفى عليهـن العباتـي
ما ورد في جيشنا مثل الطويله=تورد الضميان لو فيها حفاتـي
آه من قلب على جال المليلـه=لاتذكرت العصور الماضياتـي
عصرمن ينطح مقاديم الدبيلـه=لابتي لاجا نهـار الموجباتـي
دون دين الله نتعب كل أصيلـه=نبذل المجهود دون مخاشياتـي
من تعبث بالفرايض عزتي لـه=تقعده حدب السيوف المرهفاتي