لقاء مع صاحب قصيدة ( صادفتها بمستوصف القمة )

السلام عليكم ورحمة الله وبركاته

الكل سمع بقصيدة صادفتها صدفة بمستوصف القمة
والتي موجوده في
هذا الرابط
http://www.5ymah.net/rm/sdfhhh.ra


والتي كثر فيها العديد من الكلام والقصص حيث قيل انها لفلان وقيل كذالك ان سببها كذا وكذا

وعند بحثي في احد ملفات جهازي وجدت هذه المقابلة والتي أوخذت لشاعر هذه القصيدة من خلال متديات همة المسلم وقناة رياض المسك والدعوية

وذكر الشاعر ان القصيدة تتكلم عن حال قصه واقعيه وأنها غير التي تداولها الناس بينهم


لقاء مع الشاعر / علي الحميدي صاحب قصيدة ( صادفتها بمستوصف القمة )

وهذا رابط المقابله مع الشاعر

http://www.al-d3wah.com/mnow3/mstw9f.rm


وايضا هذا رابط القصيده بشيلة

المنشد / عبدالمحسن بن عبدالعزيز العبيد

http://www.5ymah.net/rm/sdfhhh.ra

وكذالك نهدي لكم نص القصيده

صادفتها صدفة بمستوصف القمة =بالعين راعيتها لحظة وترعاني
شميت أنا عطرها ويا بخت من شمه =يدوخ ويسكر ولو ما هوب شرباني
قمت أتذكر زمان فات وألمه = لاعاده الله نصيب يـــوم وداني
هلت دموع العيون ولابقى غمه = مما جرى لي نسيت ألآم الاسناني
معها أخوها رفع كفة على فمه = كنــــه يقول الله الستار ياقانــي
نفس الملامح ويشبه دمها دمه = سبحان ربٍ خلقهم دعج الاعياني
يدري بحبي وتدري أمه وعمه = حال القدر بيننا والحب سلطاني
يبكي ويمسح دموع عيونه بكمه = يبكي على شانها ويبكي على شاني
والله لولا الحياء والدين لاضمه = وأسمعه شهقةٍ من قلب شفقاني
والحب بلوى ومنه النفس ملتمه = وش حيلتي والغضي دمي وشرياني
جسمي يروح ويجي والقلب من يمه = القلب عنده يبـــيه ولايبــــي ثانــي
أقسم بربي وأنا لي مذهب ومله = لاعيش أحبه ولو حبه علي جاني
شربت كاس الهوى ورويت من سمه = مامت وارتحت ولاهوب اللي أحياني
وأضحك مع الناس والأحزان منضمه = كني سعيد وأنا مبلي بالاحزاني
عندي وصية وتال الهرج يايمه = الموت حق على القاصي مع الداني
وأن صرت فوق النعش والناس ملتمة = مروا على بيتها وتشوف جثمانــــي
قولوا لها الموت زم صويحبك زمة = ما مات حبه ولو هو بالنعش فاني
شلناه للمقبرة وأدعيله القمة =خوذي ثوابه وجودي له بالإحساني
يالله يالمقتدر ياكاشف الغمة = تفرج لمن حالتــــه دوم بنــقصاني

هذا واسال الله ان تنال اعجابكم

ودمتم بخير

واصل عزيزي