لاتحسبنـي يـوم اراودك واجيـك

لاتحسبنـي يـوم اراودك واجيـك=لي نيت(ن)فيها عليـك انعواجـه
انا على قـدر ومعـزه امخاويـك=ماخوتيلك لجل مقضـات حاجـه
ليه ثلاث ايام وانـا اتصـل فيـك=رد الجواب وصاحب الغيض ناجه
ماظن ابه شئ(ن)عن الرد حاديـك=لكـن قلبـك لـي عكـر مزاجـه
وعكرت مزاجي وانا حيل مغليـك=وكثر الترجي والتمنـن سماجـه
مع السلامه رح عسا الله يهنيـك=كل(ن)على كيف ويتبـع خارجـه
لاعاد تطرينـي ولانـي بمطريـك=لكل منـا يستـر اللـي مواجـه
ماعاد ابي شوفك ولاعـاد ادانيـك=اظلم سماك ومات نورك سراجـه
مالي غرض في خوتك وين اوديك=مالك خوي صحبتك صحبت خواجه
من اول(ن)ماشوف مثلك وباغيـك=وهالحين ماتسوى بعيني دجاجـه

الشاعر/ خليف الوهيداني