محاورة الكبار مفرح الضمني ومحمد خلف الخس

السلام عليكم

هذي المحاورة قديمة بين الشاعرين الكبيرين مفرح الظمني ومحمد خلف الخس او البستان
كما سماه الملك فيصل :

الظمني:


سلامي عليكم والمعاني لها بـاب وجـــــــــواب*********نعم الجميع وكـل جابـه نبـي مردودهـا

أنا ابضرب العشرين بالعشرة واضيف حساب********على شان نعرف ما نقصها ونعرف زودهـا


ــــــــــــــــــــــــــــــــــــــــــــــــــ ــــــــــــــــــــ
الخس:


هلا مرحبا ماهل واهمل هماليل السحـاب********من المزنه اللي يقصد النايمين ارعودهـا

ليامن ضربت احساب قسم وقابل بالصواب*********ولاتمتحن نفسك بشـي يضيـم جهودهـا


ــــــــــــــــــــــــــــــــــــــــــــــــــ ـــــــــــــــــــ
الظمني:


بعدما قرينا الفهرسيـة وراجعنـا الكتـاب********ضبطناك في كلمة عتب حاضرين شهودها

وانا اللي على درب الوفا لابس بيض الثياب******غليبة تجيني منك ياالخس وش مقصودهـا


ــــــــــــــــــــــــــــــــــــــــــــــــــ ــــــــــــــــــ
الخس:


انا راكن للحـق وايضـا بيمنـاي النصـاب*********ماطيع الرجال اللي تفتـل علـى عضودهـا

انا ما ازرق الصاحب ليا من غفل زرقان داب*******ولاخيـر بجمـالٍ يجـي عضهـا ببنودهـا


ــــــــــــــــــــــــــــــــــــــــــــــــــ ــــــــــــــــــــ
الظمني:


انا مدخلي مع باب واحد ولك عشرين باب********جمال العقيلي تدحـم والجـرب بجلودهـا

تنادي مع الراعي وتركض مراكيض الذياب*********ربوع تحاربهـا وقـوم تحـب خدودهـا


ــــــــــــــــــــــــــــــــــــــــــــــــــ ــــــــــــــــــ
الخس:


انا مدخلي باب الرجولـه مهـو بـاب الخـراب********ولافي وكيل ادم علـى بيضهـا مـع سودهـا

انا اركض مع الطيب واشيله على روس الهضاب*******ماحـط الثعالـه يامفـرح بـقـدر افهـودهـا


ــــــــــــــــــــــــــــــــــــــــــــــــــ ـــــــــــــــــــ
الظمني:


لمع نجمك البراق يومين واخفـاه الضبـاب*******متى طلعتك ياسهيل حتى تجـي بوعودهـا

ليا شفت عندي يا احمر العين بالحبل اكتراب********تجند سلاحـك والمـوارد حيـام ورودهـا