رغبتي

أنا ابيك وحشٍ يحتوي داخله عصفور
وانا ابيك طفلٍ يحتوي داخله رجّال

أبيك الأبو بالعطف والأخ بالمعسور
أبيك أمي بالتدليل ومداعب الجهّال

أنا ابيك تاج الستر يا عاري المستور
أعاف العقل وانجنّ ما دامهم عقال

أبيك المطاع الطايع المنذل المغرور
أنا ابيك جوعي وشبعتي والفقر والمال

أنا ابيك تشكيلة عواطف كما البلور
أبي تحتوي كل التناقض مع الأشكال

أبا اصير انا وياك داخل بعضنا ندور
يا حتى نضيّع وين كنا مع المدخال

خلاص انتهى صبري وتلاشت خيوط النور
أبلعن جنوني ش نلت من عالم العقال؟

تحياتي لكم