الله يعين اللي يسوي سواتي

الله يعين اللي يسوي سواتي00يذبح عيونه بالسهر والهواجيس
وعزي لمن ضاعت حياته حياتي00يضحك ودمعه في عيونه محابيس
لادق هاجوسه يعاف المباتي00ولياء رقد تزعج عليه الكوابيس
طال الشقى وايامناجايراتي00والوقت يجرح مايعرف الاحاسيس
دنيا علينا حمولها مسرفاتي00واخذت درسً ماهو ايات تدريس
حتى كرهت ايامنا المقبلاتي00مافيه شيً يعطي القلب تحميس
العالم المجهول كله شتاتي00وكل البشر جنستهااليوم تجنيس
وعندي تساوت مدح ولا شماتي00اسج لاضاقت وعندي مجاليس
العزه العزه تراها سماتي00ماني من اللي يحوس الهرج تحويس
امهارعزي كلها مسرجاتي00نفسي عزيزه ماتحب الدنافيس
الطيب طبعه منثني في عباتي00واعشق علومن كلبوه نواميس
ماهوكلام الاتراها صفاتي00ارقى المعالي في زمان التعاكيس
والاد وايل عزوتي هم غناتي00عزوه تونسني عن الهم تونيس
حنا هل الجدعاء هل المعجزاتي00سقم الحريب اللي يوسوسله ابليس
وختامها ربعي هل الطايلاتي00ولاهمنا هرجً يجي من طرف هيس
من قصايد الشاعر عبدالله المندهه