الله يـصـلــح غــريــر(ن) قـابــلــه فــاغـــر***ومنهو نهج نهجه..ونهج العليمية..

بسم الله الرحمن الرحيم

السلام عليكم ورحمة الله وبكاته..

اما بعد..

مصافحة اولى اتمنى ان تنال على اعجابكم..

الشعر:ياناشدي تدليه للخاطر=ماهو تفاخر على غير السنع ليّه..
الشعر:مايطمن اللي بالسما شاهر=ولايشهر غراب ويعزلّه حنديّة..
الشعر:تحصيل حاصل عند الاكابر=ولاشك له شان بقلوب الهواويّة..
الشعر:مجلس به القصاد والشاعر=يعزز امجاد لفعال النداويّة..
الشعر:ماروث للاجيال ماهاجر=تمشي به الركب خياله ورجليّة..
من عصر (سالم) ليا عصر(ن) سبق حاظر=ماهوب عصر القنوات الفضاويّة..
الله يصلح غرير(ن) قابله فاغر=ومنهو نهج نهجة..ونهج العليميّة..
ويطول بعمر حي(ن) يجذب النادر=جذب الدلي من على هداج برشيّه..
صحيح لاقالوا ان الحر له ماكر=والبوم له عش وان برقع ماجا زيّه..
الله يرحم شواعير(ن) لهم ساير=في سبك جزل الحروف الندره الحيّه..
راحوا وظلت قصايدهم يبو ماطر=هي منوتي لاغدت روحي لواليّه..
يشهد معاي البعيد ويشهد الخاطر!=وتشهد نجوم السما وعزوة عزيزية..
اني عقلت الذلول وغرت للفاطر=حشمه لها ماتعداها مع احميّة..
ياجعل يفدونها الغافل مع الشاطر=والنذل واللي نعتها بالخلاويّة..
وحمد ليا ماحماها واخرس الناطر=إلطيحته قدمها من غير ماويّة..
يازين ريح النفل في متنها العاطر=ودرهامها بين شيران السريحية..
وجلسة(ن) فرع نابي ماهو بظاهر=للي قصر شوفه وقصرة خطاويّه..
الخرج ماهوب لانجس(ن) ولاطاهر=ايشال ويشيل و(ي)ذري معانيّة..
اقولها وافهم المقصود يالماهر=في نقض فتل الجدايل دون عانيّة..
الليل فيه النجوم يعدها الساهر=لاناشه الضيم من نجّاحة الكيّة..
خذها وعرض بها كانك بهم خابر=الكذب والحسّد وغيرة تجلب السيّة..
من وايلي جاتهم ياصاحب(ن) صابر=على علوم(ن) تجي منا ومنيّه..
اتفتت كبودهم وتعوّق الشابر=وتّنزح اللي يبى المجلاس بالفيّة..
نكسر غصب من يشوش أن قيل له جابر=في ماقف(ن) مايسع غير الكباريّة..
وش عاد لو جات ببويتات في شاعر=تقصر شبورة عن الشعر وغباويّة..
ماهي لنا راس مال ولاهي اباعر=نحمى جنبها من السرحان ووخيّه..
الشعر:تحصيل حاصل عند الاكابر=والله مايسوى تراب ارض السورقيّة..

وسلامتكم

حمد سعود