الشاعر شليويح بن شلاح والشاعر رشيد الزلامي

محاوره في قمة الابداع والفتل والنقض
التي تبرز مدى ما وصلو إليه الشاعرين من نضج ومكانه رفيعه بالشعر...
جرت هذه المحاوره سنة 1970 هـ
بين شاعر مطير الكبير شليويح بن شلاح المطيري
والشاعر الكبير رشيد الزلامــي

والمحاوره كانت رباعيه وانا اخذت قاف شليويح و رشيد .



رشيـد ..




صفي سرى يا عتيبه والعبادل صفهم زاد
ربعي عتيبه تجي دون اللوازم وتحماهـا





شليويح ..




ان كان قامت عتيبه قابلوهـا آلاد عبـآد
ربعي صقور ٍ ليا حان القدر تطرح عشاها




رشيد..




ان كان راحت تحدي يا ولد شلاح وعناد
لي ربعة ٍ يسلم الكافر تحت فية عصاها




شليويح..




ما ذمكم يا عتيبة هضبة ٍ للقوم ميعاد
لكن حنّا صواقع صبّها الله من سماها




رشيد..




يا مطير مآنتم صواقع مير نار ٍ توقد اوقاد
وحنا خيال ٍ ليا خيّل على نـارك طفاهـا




شليويح




نار ٍ تذوّب بها صلب الحديد بغير حـدآد
وأنتم كما مزنة ٍ راحت عجاج وضاع مآها




رشيد..




مطير واجد ولا يلقا لها محصي وعدآد
بغت تولآ الديار وجاء عتيبي ٍ ولاهـا




شليويح..




يا من خبر له عتيبي ٍ حكم من عصر شدآد
اثر العتيبي ليامنـه بغـى الكذبـه لقآهـا