شليويح ومستور العصيمي

شليويح ومستور العصيمي

مستور :



سلام الله برديه ولـي نيـه ولـي مقصـود
ومقصودي شليويح المطاري واسر يا ساري
نويت اغزي عليكم يا مطير ابيـرق العبـود
بعد هبت نسانيس الذواري واسر ياسـاري


شليويح:



الا يامرحبا ترحيبـة تقبـس كمـا البـارود
كما البارود من بطن السواري واسر ياساري
انا مادري تحصل شاكله والا مـن العمـرود
غزيت ابيّرق فيه المواري واسـر ياسـاري


مستور:



انا خابرك ما تبخل ابمدك من رجال الجود
ولكن ايام عنها مانت داري واسر ياساري
مواري بيرق العبود ضربة سيفنا الممدود
ومنها ماتذريك المذاري واسـر ياسـاري


شليويح :



يجيك المد وافي كان راس العود طق العـود
ترى ما تختفي عقب الطواري واسر ياساري


مستور :



بنفسك ياقصير العمر تحفر قبرك الملحـود
وفي يمناك غالية المشاري واسر ياسـاري
تبي تبكي عليك اعيون وتحزن عليك اخدود
وهذي طلعت النجم الزهاري واسر ياساري


شليويح :



ترى مانته قاصر عمرنا عن يومـه المحـدود
صفقك الصقر من عقب الحباري واسر ياساري
اقوله يالعصيمـي وانـت لا فاقـد ولا مفقـود
طبخت البن في بطن الغواري واسر ياسـاري


مستور :



تعوّذ من ابيليس وطيع ربـك والله المعبـود
اتجيب الموت بعضات المساري واسر ياساري
وانا ماني خابـر نيـرة تالـع بغـار زنـود
يابن شلاح علقت البواري واسـر ياسـاري


شليويح :



انا خابرك طيب ما تحط البيض وسط السود
سريت الليل في ضو القماري واسر ياساري
انا ماني ضارب لي دروب ريعهـا مسـدود
وانيتك راح قدام اللواري واسـر ياسـاري


مستور :



تعرضت لك نو في مقاديمـه بـرد وارعـود
وعندك علم من شرى وضاري واسر ياساري
يابن شلاح كيف اتثبت الدعوى بغير شهـود
ترى الليلة كما ما كان ضاري واسر ياساري


شليويح :



الى صدق اخياله نـارده قـدام كـل اورود
لكن انه راح ثلاجه بخاري واسر ياسـاري
ترى ضاري خلصنا منك ماني خابر لك زود
وانا خابرك في راسك حماري واسر ياساري


مستور :



نهار تواعدنا نسيـت الوعدنـا الموعـود
ضميرك منشغل عني وغاري واسر ياساري
...............نقص حيـود فـوق حيـود
تحزم بالرماح وبالشباري واسـر ياسـاري


شليويح :



لك الله مانغيب عن الوعد كان النقـا مجـرود
نشب النار قدمك يالنيـاري واسـر ياسـاري
ترى كثر العزاوي ماتهزم القوم لـو اجـرود
تعزوى عقب ما صدت الحداري واسر ياساري


مستور :



ان كان انك انت صادق ياشليويح ابذل المجهود
تشوف اللي يذوقون العزاري واسر ياسـاري
انا بعض المرار اصير لا صايـد ولا مصيـود
وبعض امرار اسوي لي كباري واسر ياساري