بعض قصايد الشاعر الراحل محسن الهزاني

بسم الله الرحمن الرحيم

اليكم جميع قصايد محسن الهزاني


واولها قصايد الحكمة


الكتاب

دن كــتــاب ٍثــــمّ قــــرّب لــــي دواة=وأنـت عـجـل ٍيــا نديـبـي ثــم ّهــات
لــي سـجـلٍّ وابــر لــي رأس الـيـراع=باغـي ٍمـن حيـث مـا تـدري الوشـاة
أكــتـــب أبـــيـــاتٍ ٍتــــــلالا نـظـمــهــا=لــــم تــــزل مــنّــي تنـاقـلـهـا الــــرواة
كــالــزمـــرّد والــلــوالـــي بــالــعــقــود=قــاربـــن مـــــا بـيـنـهــنّ الـنـاظــمــات
ودنّ لي شروا الحنايا العـوج عـوص=أو عـراجــيــن الـعــيــاد الـمـنـحـيــات
صــيــعــريّــات مــــرابــــي كــــــــلّ دوّ=يــعــمـــلات ٍهــــاربــــات ٍداربــــــــات
شـدقـمــيّــات ٍهـجـاهــيــج ٍهـــجـــان=للـبـعـيـد مـــــن الـفـيـافــى مـدنــيــات
بـالـتـغــاري والـتــمــاري والـخـبـيــب=ضـابــحــات ٍ مــدنــيــات ٍ مــبــعــدات
مـرّبـعــات ٍ ذا لــهــن أربــــع سـنــيــن=بــيــن دمــــخٍ والـنـيـوفــي راعــيـــات
مــن غــداري مـــا تـهــوّق بالـهـيـاض=مـــن تـدّفــق مـــن عـيــازٍ مــروحــات
كــنّــهــنّ إذا تــجــاذبـــن الـــحــــزوم=بـالـتـمــاري مـــــن بـعــيــدٍ مـقـفـيــات
جــول ربــد ٍيجـتـول عـقـب ايـتـلاف=جـــافـــلات ٍ بـالـحـبـايــل شــايــفــات
أو قــطًًًًًًًــاً ذارهــــن لــفـــح الـســمــوم=مـــن هـجـيـر ٍ لـــي غــديــر ٍ واردات
ينـشـرنّ الصـبـح مــن جـرعـا "نـعـام"=والـعـصـيــر مـعـقّـبــات ٍ " مـــزعـــلات"
والعـتـيـم القـابـلـة مــــن غــيــر كــــود=يشـربـنّ بروسـهـن مــن مــا الـصـرات
أيـهـا الـركـب الــذى شــدّوا قـلـوص=لـلـشـديـد مــــن الـمــديــد مـعـفّـيــات
إركبوهن مـن ربـى دار" الحريـق "=وريّــعــوا لــــي روســهــنّ الـنـاجـيـات
شــرب فنـجـال ٍيجيـكـم لــي كـتــاب=بــــه ســــلام ٍعــــدّ مـبـتـسـم الـنــبــات
بـارتـحــاب ٍعــــدّ مـلـفــوظ الــجــواب=أو همـل وبــل السـحـاب المـرزمـات
فـاخـر ٍ بالـشـمّ عــن ريـــح الـــز بـــاد=والـمـذوقــة نــافــل ٍ طــعــم الـنـبــات
مـن حـشـا قـلـبٍ مشـقـى مــن زمــان=مــــن زمـــــانٍ لـــــه زروعٍ هـايــفــات
مـن حشـا ٍروحـي لسيـن وعـيـن دال=مــن نـشـا مــا جــا طـريـق الـعـايـلات
مـن ينـال مـنـاه فــي طــول الـزمـان=بالـضـمـيـر ريــــاض حــبّــه نـاعـمــات
بـعـد هــذا يــا شـقـا عـيــن الـحـريـب=يـا حجـا اللاجـي وستـر المحصـنـات
منـتـهـى ســـدّى ومـلـفـا مــــا أقــــول=مـــن لعـيـنـي قــــرّة ٍطــــول الـحـيــاة
مــــــن بـقـلــبــه لــــــي وداد ٍمـثـلــمــا=مهجتـي لـه مـن قديـم الحـبّ هـات
نابـتـات ٍمــن مـطـر سـحــب الـــوداد=بـالـتـمــنّــي والــتــوجّـــد مـــورقــــات
أشتكي لك من هـوى نجـل العيـون=يـوسـفـيّـات الـمـهــا حـــــمّ الـشــفــات
سـالــبــات ٍلــلــمــلا تـــلـــع الـــرقـــاب=خـــــــرّداتٍ بـالــبــيــوت مــخــفـــرات
قـاصــرات الـطــرف عـنـهــنّ الــبــدور=لـــو تـبـيّـن جـنــح لــيــل ٍ كـاشـفــات
عـنــبــريّــات الـــروايــــح بـالــكــمــال=فــــي جــمــال ٍقـايـمــات ٍقــاعـــدات
والـثـنــايــا والــعــوانـــق والـــخــــدود=صــافــيـــات ٍنــاعــمـــات ٍكــــامــــلات
والـجـدايـل والـنـواهــد والـحـجــول=ســابــحــاتٍ قـــاعــــدات ٍحـــايــــرات
والــردايــف والـخـواصــر والـبــطــون=زامـــيــــات ٍضــــامــــرات ٍهــافـــيـــات
مـقــبــلاتٍ مـقـفــيــات ٍلــــــو رأيــــــت=بالمـحـاسـن والـمـواضــي مـاضـيــات
بـالـنــواظــر والـمـفـالـيــج الـــعــــذاب=مـــعـــزلات ٍمـغـضــيــات ٍضــاحــكـــات
عــذبــنّــي بـالـمـمـاطــل والـــوعــــود=كـــاذبـــات ٍ مـــاهــــرات ٍبـــاطــــلات
بـالـمـواعـد والـمـواصــل والــكــذوب=بـــاطـــلات ٍ بـــاخـــلات ٍ مــيــســـرات
سـاعـدنّــي يــــوم عــجّــات الـشـبــاب=بـالـمـواصـل والــدلـــول الـبــاهــرات
وانكـرنّـي يـــوم لاح بّـــي المـشـيـب=لاجـــزى الله بالـجـمـيـل الـغـاويــات
مـابـغـن ســـوّن ّفـــي خـــلٍّ جـمـيــل=بـالـمـواعـد والــكـــذوب الـواهــيــات
آه عــــشــــر ٍ يــاعــشــيــري ثـــــــــمّ آه=مـــن مـحـبّـة كــــل عـنـقــا كـالـمـهـاة
عــذبــنّـــي بــاعــتـــدال ٍ وانـــعــــواج=وانـغــمــاز ٍكــالــبــروق الـمـوضــيــات
وانـــحـــراف ٍوانـــصـــراف ٍوانـــغـــرفٍ=وارتـــشـــاف مــعــسّـــلات ٍصــافــيـــات
وانـهــصــار ٍ واعــتـــدال ٍ وارتــشـــاف=مـــن عـســال ٍ مـرهـفــات ٍ سـايـفــات
واغــتـــمـــازٍ وافــــتــــراز ٍ والــــتـــــزاز=واهــتـــزاز قـــدودهـــنّ الـمـايــســات
واجـتــمــاع ٍ والــتــمــاع ٍ وامــتــنــاع=واسـتــمــاع ٍ لـلـحـكـايـا الـمـطـربــات
وابـتــعــاد ٍ واقـــتـــراب ٍ وارتـــحـــاب=واشـتــمــام عـطــورهــنّ الـفـايـحــات
كـلــمّــا حـدّثـتـهــن ّ مـــــن الـفــنــون=عـاقـبـنّـي يــــا عـشــيــري بـالـسـكــات
وان تناسـى خـاطـري بــاغ ٍ أشــوف=لـوحــة ٍمــــا شـافـهــا عــيــن الــوشــاة
ما بغن ّ البيـض منّـي رحـت أجيـب=وإن بغيـت مــن الـعـذارى الغانـيـات
إن بغيـت الصبـح قـالـن جـنـح لـيـل=وإن بـغـيـت الـلـيـل قـالــن بـالـغــداة
وإن بغيت اجزي العذارى بالصدود=جــاوبــنّــي بــالــدمــوع الـــذارفـــات
وإن تناسـى خاطـري وقـلـت أتــوب=مـــا حـنـنّـي يـــا عـشـيـري بالـسـكـات
ربـمـا لــي أو عـســى لـــي أو قـمـيـن=يـرجـعــنّ عـصــورهــن ّ الـمـاضـيــات
يحـسـبـنّـي عــــن مـودّتـهــن سـلـيــت=لا وعـــــمّ والـضــحــى والــمــرســلات
إنــهـــنّ بـخــاطــري يــقـــظ ٍ ونـــيـــم=خـاشـرنّـي فـــي ركـوعــي والــصــلاة
إنــهــن بـخـاطــري طــــول الــزمــان=لـــو بـقــت مـنــه الـمـنـازل خـالـيـات
آه ألا يالـبـيـض يـــا نــجــل الـعـيــون=فــوق شـاحـوف الـبـحـور الطـامـيـات
بـعـد هــذا يــا شـقـا عـيــن الـحـريـب=يا حمـى الجانـي وستـر المحصنـات
تحـسـب إنـــي سـالــي لـونــي بـعـيـد=لا وخـــــلاّق الــجــبــال الــراســيــات
وأخفِ عـن كـل المـلا مـا أنـت فيـه=لابـــــــلاك الله بـــســــوّ الــحــادثـــات
وانـتـهـى نـظـمـي ومنـطـوقـي عـلــى=ســيّــد الـكـونـيـن نـخــتــم بـالــصــلاة

قصيدة روض الندم

سرح القلب فـي عشـب روض النـدم=وأمزج الدمع من جفـن عينـك بـدم
واغـتـنـم صـحـتـك والـصـبـا والـفــراغ=فـــإن لا بـــد ذو صـحــة مــــن ســقــم
واحبس النفس عن تبع طرق الهوى=قـبـل أن يــا فـتـى بــك تــزل الـقـدم
واحتـزب مـن ضنـك عيـشـك تبتـئـس=فـالـجـســد ربــمـــا صــحــتــه بـــالألـــم
يـــا قـلـيـل الـعــزا يـــا كـثـيـر الـهـمـوم=كــن لـمـا رأتــك الـمـسـاوىء خـصــم
واتــقــظ واتــعـــظ وائـتــمــر واعـتــبــر=وانتـظـر لـلـفـرج فـــي شـديــد الـلــزم
ربـمــا شـــدة تـقـتـحـم فــــي الـعـشــاء=والـفـرج فــي غــد ضيـقـهـا المقـتـحـم
عــن سفـاهـك مـتـى يـافـتـى تنـتـهـي=غــــادرك الـمـشـيـب والـصـبــا إنــهــزم
دون ليل الصبا حال صبـح المشيـب=وأنـت كنـك بـعـد مــا بلـغـت الحـلـم
بـعـد مــا عـنـك ارتـحـل عـصـر الصـبـا=مـــن نـذيــر الـفـنـا, بـالــك أن تـتـهـم
اتـرك الـغـي وامـسـك بـكـف الـهـدى=الــعــرى الــتــي مــــا أبـــــد تـنـفـصــم
كـلـمـا نــــام نــاظــر لـبـيــب الــكــرى=ارم ثـــوب الـكـســل والـتـأنــي وقــــم
والـبــس أردان جـلابـيــب الــدجــى=واتــــزر بـالـمـسـا وارتــهــب واسـتــقــم
ثـــم صـــل أربـــعٍ بــأربــعٍ يــــا فــتــى=ثــــم مــــن بـعـدهــا بـالـوتــر اخـتـتــم
ثـــم بـعــد الـفــراغ أسـألــه ذاك مـــن=أوجــد السـبـع والسـبـع بـعــد الـعــدم
جامـع النـاس فـي يـوم لا ريــب فـيـه=جـابـر العـظـم مــن بـعـد مـــا ينـقـصـم
ذو جـــلال يـــرى مـــا يـلــج بـالـثـرى=واحتـرك فـي غسـق ذي ثــلاث ظـلـم
أول لـــيـــس لــــــه ابـــتـــدا عـــادتـــه=فـــك عـقــد الـعـســر بـعـدمــا يـنـعـجـم
آخـــر لــيــس لــــه انـتـهــا لــــم يــــز=لقـــادراً قـاهــراً عـــادلاً فـــي الـحـكــم
واحــدٍ لـيـس لــه فــي ملـكـه شـريـك=ولا فـــــي جــلالـــة عـــظـــم الاســــــم
كـم رفــع مــن وطــا وكــم حــط مــن=شـــامـــخٍ عـــالـــيٍ مـشـمــخــر أشــــــم
لـم يــزل بالعـطـا فــوق بـحـر الـنـدى=بـاســط لـلـمـلا بـطــن كـــف الــكــرم
يــــا حـلـيــم عـظـيــم قـــــوي مـتــيــن=لـسـت يــا مــن لـمـا بالـخـواطـر عـلــم
عـــن أحـــد يـــا إلـــه الـبـرايــا لــحــد=لا ولا لـلــنــدى مـــــن يـــــد تـسـتـلــم
يـــــــا رؤوف بـــنــــا يــاعــفـــوٍّ غـــفــــور=بعـض حلمـك يسـع مـا جنـتـه الأمــم
لــو رمـانـا بسـهـم الـبـلـى فـــي زمـــان=قـوس صـرف النـيـا والسنـيـن الـدهـم
فــإن حـبـل الـرجـا مــا يـبـارح مـنـيـع=فـيــك يـــا مـحـيــي بـالـيــات الــرمــم
بـعــد هـــذا الـنـبـا يـــا ردي الــعــزوم=دع متـى أو عسـى أو قمـيـن ثــم قــم
أســـأل الله بـأســرار مــــا قــــد أتــــى=والـقـصـص وألــــف لام ومــيــم ولــــم
يــا مـتـم الـرجـا يـــا جـزيــل الـنــوال= اسـألـك يــا مجـيـب الـدعــا بـالاســم
نـقــطــة لــلــمــلا والـبـهــايــم تـــجـــي=مـــن بـحــور الـكــرم حيـنـمـا تلـتـطـم
يـــا لـطـيــف كــريــم حـلـيــم عـظـيــم=يـــا الـعـلـي الـــذي دايـــم لـــم يـنــم
أسـألـك مــن جـــود مـــدك يـارحـيـم=أســـألـــك رحـــمـــة لـلـبــرايــا تـــعـــم
وأسـألــك بـعــد ذا يــــا إلــــه الأنــــام=بالـذي بـه جــرى رأس خـتـم القـلـم
وأسـألـك بالأمـيـن الــذي قــد نـــزل=بالـكـلام الـــذي فـيــه كـــل الـحـكـم
رايـــح راجــــع مــدجــنٍٍٍٍٍٍٍ كـالـدجــى=هــامـــي بــاكـــي نـــامـــي مـنـســجــم
عـــارض كـايــن فـــي ركــــن حـافـتــه=كـلـمـا سـنّــد حـيــا وانـتـشـر وارتــكــم
مـرهـش مــن عـلــيٍِّ يـحــط الـحـيـود=بـالـوطـا والـغـثـا فـــوق روس الـسـلــم
كـن مزنـه إلــى مــن بــدا مــن بعـيـد=فــي دقــاق الـسـدى بالقـضـا مـرتــدم
شامخات الذرى من شخانب طويق=دونــهــن الـهــبــا بـالـضـحــى مـبــتــرم
ســـاطـــع بـــارقـــه هـــاطـــل وابـــلـــه=خـمـســة عــشــر نــهـــار عـلـيـنــا يــتـــم
فانـجـلا مــا بـنـا مــن ارتــدام الغـيـوم=وانتشـى الخـد مـن كثـر سـح الـديـم
وانقـلـب ســوء ظــن الـبـرايـا حـســن=مـن كثـر مــا رأوا مــن جـزيـل النـعـم
وأنبتـت الأرض مـن كـل زوج بهيـج=وأوجـدت بالفـضـا كــل صـنـف عــدم
بـعـدمـا أنـبـتــت حــــاروا الـنـاظـريـن=باخـتـلاف الـزهـر مـثـل فــص الخـتـم
كـــن مـــا بـيــن حـوذانـهـا والـعـضـيـد=نـــور يـاضــي مشـعـشـع فـنــار الــحــرم
وأسـتـحـل الـحـجـل للـنـفـل والـمـكـا=يشـتـرون القـفـاف فــوق زهــر الـرقــم
والـحـريـبــي غـــــدا مــرغـــد عـيـشـتــه=تنتـصـب للـطـرب فــوق روس الأكــم
وأصـبـح الــورق فــوق رأس الـــورق=يـطــرد الـهــم عـنــي بـحـسـن الـنـغــم
مـن مشـى ديـرة فـي مثانـي الـحـزوم=كـن جمـر الغضـى فـوق زهـر الحـلـم
مــن عـطـا واحــد مــا يـمــل الـنــوال=قـسـمـة جـاتـنـا مـــن جـــزال الـقـســم
ختـم نظمـي صـلاة علـى المصطفـى=مـا أضـا بــارق فــي الـدجـى وابتـسـم