(( أنا بدونك وش تساوي حياتي ))

أعضاء هذا الملتقى العزيز على قلوبنا
أسعد الله أوقاتكم بكل خير ومحبة
يتجدد بنا اللقاء
وتمتزج كلماتنا بعبق أريج الأخوة
ويتوقف الكلام لكي نسطر لكم كلام من نضمنا
علّه يحوز على رضائكم وإستحسانكم

أنا بدونك وش تساوي حياتي = كني صفر مضروب في رقم مليون
خلي الزعل وخذي كلامي وهاتي = أكشف لك اللي داخل الصدر مكنون
كنت احسب إن العذر يثبت براتي = وما كنت احسب إني من الحب مجنون
قمت أحسب السيه وعد احسناتي= واعد كم وقت ٍ مضى فيك مفتون
كم ليلة سهجت فيها المباتي = كني صويب بداخل الجوف مطعون
يا هيه يا ترف الصبا يا غناتي = عوذي من الشيطان وإبليس ملعون
وما فات أنا طالبك عديه ماتي = في شاطئ النسيان كبيه مدفون
ما فيه واحد غيرك أقرب لذاتي = تأمر وتنهى وأنت يا الغالي تمون
أنا بدونك وش تساوي حياتي = كني صفر مضروب في رقم مليون

وسلامتكم
أخوكم ( ابو نواف )