في ركـن .. من (صدري) مـزوح و تعاليـل .. [ شـيـلــه ]

http://almobile.maktoob.com/org/uploads/e1510e3113.mp3
ــ,,( القلـق )،،ــ





ليت .. القلق دمعت (عيون) و (مناديل)
ولا .. خنوع وشي مـا هـوب ينقـال
بس القلق .. شوفونـي أحـط وأشيـل
وأصد عن هرجة .. (منافق) و (محتال)
مبطي وأنـا صـب القلـق فالفناجيـل
وأشفها .. فنجـال , فنجـال , فنجـال
ولذكريـات بوسـط عينـي مداهـيـل
يومٍ صـدري صايـر رسـوم وأطـلال
شفي نحيـل مـن الشقـاء والغرابيـل
تفريـق شمـل وضيقـتٍ مالهـا فـال
في ركن .. من (صدري) مزوح و تعاليل
وفي .. (ركنها الأخر) متهاهه و غربال
تكحل عيوني مثـل مـا يكحـل الميـل
لو مرت العبـره علـى حزنهـا سالـي
ولعـت لعـيـون القصـايـد قنـاديـل
وجريت من ضيقي على الوقـت مـوال
شعري حطب وأفكـار راسـي معاميـل
أشـب نــار الـعـز وأبـهـر أدلال
وأكيل وأزن طبختـي وأعـرف الكيـل
لا طففـوا رديـان الريـاء والأقــوال
باسط فراشي فالسماء وأمـدح أسهيـل
مترفعـن عــن الدنـايـا والأنــذال
وأن ضيعـوا درب النجـاه الدوالـيـل
مانـي بمكلـوفٍ بتعديـل مـن عــال
ميحلحـل القـالات يـكـود حليـحـل
وليتـبـع الـغـرات يـاكـود خـتـال
ولا يستشـك إلا الـردي والمبيـذيـر
قالـوه قبلـي فالقصـايـد والأمـثـال
بعض العلوم تحمسـك تسـرج الخيـل
وبعـض العلـوم تمـر ماتغشـل البـال
وأليا مدحـت أعـرف قـرم الرياجيـل
مـرد نفسـي لأهـل القيـل والـقـال
وأليا بغيت أسمع مـن الشعـر ماقيـل
ردت .. مـا قـال الحريّـص وهــلال
أنـا وريـث أهـل الفخـر والمشاكيـل
اللـي لهـم فـي قمـت العـز منـزال
أهل الكرم وأهـل السيـوف المصاقيـل
مطيـر حمـران النواظـر والافـعـال
ربعي هـل الطـالات جيـلٍ بعـد جيـل
وأليـا نفلـت النـاس تلقالـك أحثـال
مدحت مـن يفخـر بـه المـدح لقيـل
الشامـخ الـلـي لثقـيـلات شـيـال
فـواز أبـن علـي مـلاذ الرياجـيـل
عون الدريك اللي عليـه الدهـر مـال
ويوم أرتكى لحمـول ضيقاتـي شعيـل
تلافـتـو يـمـي ملـقـف وعــذال
تعرضونـي مـثـل ذبـاحـت اللـيـل
اللي حسد واللـي جهـل واللـي خبـال
مدري علـى شانـي بدعـت التماثيـل
ولا علـى شانـي تزبـنـت رجــال
رجـال يعـدل ميلـت الحـال ليمـيـل
ورجـال يفرحبـك علـى ميـل الحـال
الله يــردي حــظ رجــالٍ بخـيـل
والله يطـول عمـر مـن يبـذل المـال
والله يشتـت غيمـتٍ مالـهـا سـيـل
والله يقطـع شجـرتٍ مالهـا ضــلال
ويالله يامنشـي صــدوق المخايـيـل
يخـالـق الدنـيـا ويعـالـم الـحـال
أنـك تسهـلـي طـريـق المقابـيـل
وتفكنـي مـن شـر حاسـد ومحتـال





الشآعـر // عبدالعزيز الحريّص