صيــــــــد الطايــــــــــــــــــــــرات

( اول مصافحه اتمنى ان تحوز على استحسانكم )
قصيده مدح في ربعي اهل الردات حمران النواظر ( قلتها بمناسبة تكريم القبيلة لبعض من رجالاتها الفائزين في مسابقة جائزة الملك عبدالعزيز في مزاين ام رقيبه) لعام 1428 هـ

0000000000000000000000000000000000000000000

حضرة اشارك وافتخر في لابتي من هالمقام = الابة اللي مجدها فوق الجبال النايفات
قوما خلقها الله على الشده تظيم ولاتظام = يوم الحكم بين الصناديد السيوف المرهفات
ون جات من باب الوفاء له عندنا ذروة سنام = حنا هل المعروف والشيمه لها فينا صفات
حنا هل الفزعه لجبر العظم ونكسر اعظام = إليا اختلط عج الرمك نخلي سروج المسرجات
حنا منزحت العداء حنا مخضبت الحسام = حنا حمول الخيل اداة الموت ستر المحصنات
حنا مدابيس الوغاء حنا مقابيس الظلام = حنا مفرقت الجموع اللي تبي منا الزكات
امجادنا ماجت لنا صدف كذا برد وسلام = الا بحد مصقلات الهند واللي مات مات
الموت مانخشاه نرده مثل ماترد الحيام = والا ماسمينا هل الردات واهل المعجزات
عشرة نباء التاريخ علقهم على صدره وسام = ومترجمه في وجه صفحاته على سبع الغات
يقول عشره من مطير تحول القوة ركام = اللي يصيد الرؤوس والثاني يصيد الطايرات
وهل العشر خلو جموع القوم في حال انقسام = والخيل بالتومان عقب اقبالهنه مقفيات
خيالنا محسوب عن تسعين مافيها كلام = يقوله التاريخ ولسان الصدوق من الروات
حنا مروت الغلب حنا متيهت الجهام =حنا هل الردات والزعلان يقضم له حصات
يامشرفين مطير فالمحفل لكم مني سلام = سلاما احلا من لبن شقح البكار المكرمات
ولكم تحية كل حمران النواظر وحترام = شيخ القبيله فيصل البندر ليا راحت وجات
حزامنا وقت الشدايد يوم كلا له حزام = فيصل ولد بندر ولد فيصل زبون الكايدات
ياربعنا ياللي رفعتو رؤوسنا يوم الزحام = الله يبيض لي وجيه اهل العزوم الراهيات
انتم فخرلنا عسائي اشوفكم في كل عام =في كل محفل لتحدي في السنين المقبلات

شاعر الجزلات