ضيقة صدر

ياناس ضيقة صدر وأفراق وآهات
ياناس جفن العين يشكي سهدها

ياناس أبي أشكي قصتي فبعض الأبيات
قصة حياةٍ تشتكي من نكدها

أزهاق روحٍ والعزى نزف دمعات
أعدام عاشق حجته ماوجدها

طفل الهوى فأحضان معشوقته مات
وناحت وهي تبكي لضيعة ولدها

أكبر قهر طفلٍ قضى العمر ونات
دنياه ماعمره تذوق شهدها

نكبات درب الحب بالعون نكبات
فرحه ولاكن موتها في مهدها

آهات ودموعٍ وحرقه وضيقات
وعينٍ تعاف النوم حزة وعدها

وأنا عيوني تشتكي دمع لوعات
أنا عيوني كل واحد نشدها

فيها السهر والحزن كاتب عبارات
فيها الهوى لعيونها ماوجدها

أنا عيوني ترتجي بس شوفات
يمكن تحس بحالتي من بعدها

يمكن بعد ذاك القاء والمحاكات
يرتاح قلبٍ بالوفا ماوجدها

هاذيك هي اللي على الناس بذات
تسكن بقلبي بس تسكن وحدها

طفله لها خمْر الهوى بعينها بات
والرمش يطعن ماأطعنتي بيدها

في خدها جمر الهوى ضؤ شمعات
والمبسم اللي ضحكته ماقصدها

هاذيك لاراحت بعدها ولا جات
وحده أحس القلب فعلاً فقدها