الأمير/ خالد الفيصل يمـدح قبيلة مــطـيــر

السلام عليكم ورحمة الله وبركاته


هذه القصيدة لصاحب السمو الملكي خالد الفيصل :

وهي طبعاً على شكل عرضه :


صوٌت يحورب..قامت تلبي صفوف
طق الطبل..وانسلت تغطرف سيوف

اليوم عرضه .. نشوة السيف والخيل
والعز ومضه .. في حياة الرجاجيل

صكوا على البيرق قروم النشاما
ذبٌو غترهم ما على الهام هاما
كلٍ تحزم بالشجاعه حزاما
ياموت ول البيرق العز قاما

اليوم عرضه .. نشوة السيف والخيل
والعز ومضه .. في حيات الرجاجيل

الارض ثور عجها حدر الاقدام
رجلٍ تدوس الذل ورجول قدام
العج واصوات الرجاجيل وحزام
ياموت ول بايع الروم ماسام

اليوم عرضه .. نشوة السيف والخيل
والعز ومضه .. في حيات الرجاجيل

نز العرق بجباه حمر النواظر
كلٍ هتف يا ساعة المجد حاضر
وسيوفهم تمشي كما السيل هادر
ياموت ول والطير بالجو كاسر

واليوم عرضه .. رقصة الحرب والموت
وما الرجل رقصه. سوى رقصة الموت



هـذه القـصـيــدة اختلف فيها

يـقول البعض بأن المقـصــود بـحــمـــر النــواظــر في القـصـــيدة هــم آل ســعـــــود حكـامـنا

والبعض الآخــر يؤكــد على أنها في قبيلة مطـيــــر قالها سمو الأمير خالد في مناسبة معيـنـة

والله أعــلــــم

اتمنى تكونوا استمتعتم بالقصيدة

ومطير تستاهل وآل سعود على روسنا والله حكامنا

ويعطيكم العافية

كــونوا بـخــيــــــر أخــوتــي


الــفـــــارس