ملخص محاورة الجامح و فزع

هذه المحاوره اللتي درات بين
شاعر المنتدى الجامح واخون الشاعر فزاع
وكانت البدايه عند شاعرنا الجامح


الجامح

سلام الله ومسيتوا بستر الله وكيف الحال
نعم ولا نخص وكل رجالن وتقديره


نظام السعوده ماهو بمقنع مكتب العمال
وظائف للاجانب والبطالة في هل الديره

فزاع

هلا يامرحبا حياك ربي يا وسيع البال
نيابه عن عموم القوم يالله علم به خيره

تولانا القصيبي كل يوم وليل له موال
وشلته اسرفت فينا عقب مابان تقصيره

الجامح

لعلك للبقاء والحمل يبغا له ظهور جمال
وانا باقول وافي والسعد تقدح تباشيره

بلاكم دون في قوم تدير المال والاعمال
ما يبغون المقيم اللي معه فيزا وتاشيره

فزاع

على راس الجبل ترقى وهات اخفاف والا ثقال
وانا والم على الدله وفي يسراي تعميره

على ارض المملكة عايش ولك مخرج ولك مدخال
وبالشت الضعيف الليي بياكل مع مخاشيرة

الجامح

انا اسمع لي رعودن زلزلت واشوف ركم خيال
لا تحرمنا المطر يارب من شره وفي خيره

اجل اهج واترك ديرتي ماعاد لي منزال
واقول موفقن يالاجنبي وافضها سيره

فزاع


انا اسمع هالكلام انه عرض في نشرت الاحوال
بروقن فالسماء والارض تلفحها معاصيره

لا بالله لا تروح انته عزيز ومنزلك مازال
لكن الاجنبي مسلم ولالك حق تكفيره


ومن عندي اقول لهم بيض الله وجيهكم وما قصرتوا
احظرتم لنا شعر حقيقي واستمتعنا به .