ملخص محاورة الشاعر راعي الهوجا والشاعر الجامح...

راعي الهوجا :
سلام تسليم ينساق ...لاهل الوجيه المطاليق

مني وانا حاكم القاف ...واشب بالزند ناري

يالجامح البرق شعاق....والسيل غرقك تغريق

والله ماارضالك خلاف...ياحر عطنا الحباري


الجامح :
ترحيب من وسط الاعماق...... باللي بدا فالشواهيق

احكم لكن صيــــــر رواف.... سره ترى الليل ساري

اشوف لي لوح براق..... والسيل مابل لي ريق

من طبعي اقدم ولا اخاف ...قرناس للصيد ضاري


راعي الهوجا :
الدرب للذيب ماضاق .....لوكان فالدرب تضييق

دايم على الصعب حواف....ياطيب ذيب الغداري

النفس للزين تشتاق....لو صار مافيه تفريق

ماتدفنه شي منشاف.....تذرا عليه المذاري


الجامح :
الذيب مازنده ادقاق .... من طبعه ايغير وايويق

مير البلا اسنينه اعجاف ..... كثرت عليه الضواري

الصبر ماعاد ينطاق .... مير ادع له بالتوافيق

ماني بخابرك مزهاف .... دامك عن الامر داري


راعي الهوجا :
اقطف من العمر مالاق.....لاتحرق النفس تحريق

واحذر تجي جرف مهياف....دامك تعرف المحاري

الصبر من زين الاخلاق....يعطيه رب المخاليق

محلاك يازين الاوصاف....ياللي بزينك تماري


الجامح :
ماعاد ف الارض مفتاق .... ادلال صفرن واباريق

وان طحت عجل بالاسعاف... مير انتبه للكباري

ماغير فراج خناق ... ايغيم اشوي وايفق

والناس فيها تعجراف.... كلن بفعله يثاري


راعي الهوجا :
الليل عود تلفاق ....ياملفق القول تلفيق

راسك تنتف تنتاف ....بكره تهذري هذاري

ماطيح واقف على ساق.....واخنق الخصم تخنيق

وارسم طريقي بالاهداف.....مامشي على كل طاري


الجامح :
رفيقكم مابعد فاق ..... ويومه وعى حده الضيق

يالربع مافي خفخاف..... مااجاري الانتحاري

عساك دايم ولااتعاق ...... اليا لحقته ملاحيق

وقلوبنا دايم انظاف.... نقرا صحيح البخاري