ياليل فكري غدى مع هاجس الحره ( دائماً متألق يابو سجدي)

كما عودنا ابو سجدي في قصائده التي لاتخلو من النصيحه والحكمه هاهو وبعد غياب قد اطل على علينا بهذه القصيده والتي طلبت منه واصريت عليه ان انزلها لكم بمنتدانا يابني عزيزي
وقد لاحظت فيها انها(شيــــــــــله رائعـــــه)

ياليل فكري غدى مع هاجس الحره =متخيلاً جوها مع شكل سدرتها
وقت المطر والخلا والهيل والمره =مبعد عن الناس والدنيا وفتنتها
جون طبيعي ورحمة رازق الذره =وان وافقتك الصلاه تحس لذتها
والروح تفرح لو ان الكبد محتره =تنسى شقاها وحاجتها ولوعتها
وتترك مجالس هل الغيبات مغبره =قوماً على المعصيه تشعب مطيتها
قوماً بما حصلت بالوقت مغتره = اهل النفوس التي عاشت بغفلتها
تعصى ولاتدري ان النار محمره = تمشي مع الوقت ماتعرف مهمتها
نفوسهم للردى والكبر منجره =عصابتن ضيعت منهج عقيدتها
تذكر عيوب البشر ماهي بمضطره =مالاحظت عيبها واسلوب سيرتها
افكارهم عن كلام الخير مفتره =ولايذكرون المحاسن عند حضرتها
عصابة ياعرب ماتقطع الجره =عند اللوازم تضيع كل هرجتها
قلــو هل الدين واهل النفع والبره=اللابه التي على التوحيد جمعتها
الصحبه اللي معك بالعسر والسره =والصحبه اللي على المنهج نصيحتها
ماحلى الخلا يوم شفت الناس منضره =يجلب على الروح نفحه من سعادتها

شعر :فـــــواز بــــــن عجـــــــــل