مجاراة بدر الوتيش

الجادل اللي مشيها بالتبختر=تمشي دلع وتجيب لشوق تعبير
عينت منهومولعاً فيه مخطر=شاف الجمال وقال يالله عسى خير
ايه انت وش عندك وفيني تخبر=ذكرتني في ام العيون المخادير
الله يبعدني عن مرافق الشر=وتلفي علينا من علوم وتباشير
نقضت جرحاً يابدر ماتخبر=جوفي دخل فيني يحوف الطوابير
له مدةً ذكرة على باللي تمر=والهاجس اللي شاقني للتفاكير
ياللي كذا تمشي وقدمي تهصر=خافي من الخلاق رب المقادير
لاتتعبين اللي زمانة تغيير=سجله التاريخ بعض التقارير
في وقتة الاول ودمعة تحدر=لازال باقي لة على الخد تصوير
ذكرى قديمة والمهاوي تسمر=في حيرتة يبغى لة الوضع تقرير
خليتني في واقع الدرب الاقشر=وحدي ولاللي في الجماعة مناصير
لان الخفوق اللي دخل ماتبعثر=سراً خفيتة وسط قلبي بقادير
يالليل وشبك اشتكي منك مضطر=تلوفني لوف الهبوب المعاصير
الصدفة اللي ذوقتني من المر=دقت بصدري مثل دق المسامير
يالايمي عساك للماس الاشقر=تونس شضاها من يدين المناعير
لالك ملاذ ولا مكاناً به تفر=الاعدوا واضح (ن) منه تقصير