شموخ وعزه( اخوكم نايف بن معلي العزيزي)

السلام عليكم ورحمة الله وبركاته

اخواني واخواتي بيارق هذا الصرح

اعود اليكم بهذه القصيده اتمنى ان ترتقي لذائقتكم





يا صــاحبي لــولا الــغـلا ما عذرتك..... لــو انـي احــيانا احــس بندامه

نـــدامـــة تــجــتـاحـنــي لا نــظــرتك .... اشوف فـيـك من الخيانه علامه

لـــكــن مــع ذلك مـا جـيــت وقهرتك .... حـاولـت اثـبـت بالعقال العمامه

بــنـيـت حـبـك فـالخـفــوق وعـمرتك .... والبستك من الحب والولف خامه

ضحيت من شانك وجـيت وشكرتك ..... من باب تعزيز الوفاء والشهامه

اشــعــرتـك بـحـبـي وانـا ما شعرتك ..... ..انـك تـبـادل صاحبك في غرامه

يـاذنـبـي مـطـول وانـا مـا غــفـرتك .... لاشـك تـلـحـقـنـي عـليك الملامه

هـجــرتــنـي وانا الـذي ما هجرتك....... كونت لك وصلي فاوج انعدامه

صحيح حبيتك واعزك وصرتك ...... وصرت انت في يومه وشهره وعامه

تــبـقى مـعي ياصاحبي ما جـبرتك ..... ان كان نــاوي هجـرنا مع السلامه

اخسرك ماهي مشكله لو خسرتك ..... اهــم حــاجــه ما خـسـرت الكرامه
.....................................


اخوكم/ نايف معي العزيزي