الكريستاله أهداء خااااااص

ياقبلة الله ليا اقبل .. وأنخـــطف لــــوني
ماكن دقّـــات قلبي دقّــت .. الاّ .. له

لبّا مــراســـيل عطره يـــوم زاروني
قبله .. يزفّــون لي بشـــــراه بقبـــاله

لبيّـــه كلّه .. ولبّا البــعض .. والدونــي
لبيّـــه من هامته .. ليا حــد خلخـــــاله

لبيّـــه يالمسته .. ومصــــافح شجــــوني
لبيّـــه يافزعـتــه .. في فزّة جفـــــاله

لبيّـــه ياخثــرته .. تنشـــــدني شلــوني؟
لبيّـــه ياسجّــته .. ليا عضّ سلســــــاله

ليا قال لي: (ويش حالك ) قلت : ياعــوني
يلعن ثوى الحب .. يلعن جدّها حاله

أن جيت اباأضحك ..حظــوظي فيك بكــوني
وإن قلت ابانسى غرامــــك .. أتعنى له!!

ويضحك .. وأنا أنشد عيوني وأنشد جفوني
من شاف لول الثمان وبارق هــــلاله؟!!

في ضحكته .. يرجــع الديّان مديـــــوني
وفي فرحته .. من غنجه يداعب ضلاله

وبعتابه .. يجيك مخطي قال : خطّــوني
واليا زعل .. تقلْ طفلٍ ضيّـــع رياله

تكـــفون لا ســجّ قلبي عنه خلــــــوني
في سجّتي عنه .. لا ذاكـــر ولا داله

حذرا لو الشوق هبّل بي تطيــــــــعوني
وأضوي بدون الجمل .. والبدو جمــاله

وإذا غلبـــني هـــواه وقلت : ودوني
لا تتركــــــوني كذا .. والحــال يرثى له

وش عاد عـــذري لو الجــــيران شافوني
خامس سنه .. يابن عمّه! .. ياولد خاله!

مايكفي اربــع سنـــينٍ فيه ســــــاقوني
ورجعت رجلي .. وأنا من صلب خيّــاله

أمسي وأنا للعرق وســمٍ على ردوني
وأصبح والأحـــــزان .. نزّالـه ونقّـــــاله

ورّدت وأول طعــوني .. أجمل طعــوني
وصدّرت .. وآخر منافي داره .. أطلاله

والعمر .. عشقٍ جمع منفى ومسجوني
والعشق .. من قال طاله .. مات ماطاله

يامال سقوى البَرَدْ من عذب المــزوني
ياليلةٍ .. رحــت من الصبح اتهـــيّا له

ليـلٍ تّمــايل غصونه .. ومالت غصوني
واليا تثنى دلع .. قمـــت اتــثنى له!

وشــــلال شـــعره .. وقذلــته ايتبــلوني!
ومن جور قذلته .. رحت بوجـه شــلاله!

سرّاي من نحره .. لخاله على هــوني
الله .. وشلـــون أضيــــع بنحــره وخاله!

فديت عذْبــه .. وسحـره شعر وفنـــــوني
فديت سحــره .. وعـذب الشعر وأمثـاله

وفديــت ذبــح اللواحـــظ يوم خــزوني
فديت غيـــم الرمــــــوش وفيّ مقـــــياله


وفديت لثـــغة حكـاه .. بضحـــكة سنوني
فديت ضحــكته .. يــوم يمـــدّ بشـــماله

وفديت خــوفي عليه ان راح من دوني
فديت عضّــة شفاه .. ليا مشــى لحــاله

وفديت جــــدران بيـــــته يــوم يرثــوني
فديت حوشــه .. فديت الباب .. وأقفــــاله

وفديت عمره .. بعــمرٍ لأجله يهــوني
وفديت ريح اقهــــوته .. ونكـــهة دلالــه

الله يبيــــحه .. وأنا به محسن ظــنوني
إلين يــدرون عـــــــذّالي .. وعــــذّاله

ويدرون غيّـــــابي اللي يوم يقروني
إن أجمل اللي ألبّي .. وأتفدّى له

ضحكة كريستال .. وزمـــامٍ لمضنوني
زودٍ على حسنه القتّال .. قتّـــاله

اليا التفت لي .. جهر بزمـامه عيوني
واليا ضحك لي .. ذبحني بالكريســـتاله!!

رائعه هالقصيده ياابو وليد ...


وتسلم يمينك ع الطرح

الله يبيــــحه .. وأنا به محسن ظــنوني
إلين يــدرون عـــــــذّالي .. وعــــذّاله

ويدرون غيّـــــابي اللي يوم يقروني
إن أجمل اللي ألبّي .. وأتفدّى له

ضحكة كريستال .. وزمـــامٍ لمضنوني
زودٍ على حسنه القتّال .. قتّـــاله

اليا التفت لي .. جهر بزمـامه عيوني
واليا ضحك لي .. ذبحني بالكريســـتاله!!

حمدا على السلامه
ذايقه راقت لليث
شكرا المغترب

الله يبيــــحه .. وأنا به محسن ظــنوني
إلين يــدرون عـــــــذّالي .. وعــــذّاله



انشهد

مشكور يا ابو وليد على القصيده الممتعه

المشاركة الأصلية كتبت بواسطة عــاشــق هــبــاء

رائعه هالقصيده ياابو وليد ...


وتسلم يمينك ع الطرح

ياقبلة الله ليا اقبل .. وأنخـــطف لــــوني
ماكن دقّـــات قلبي دقّــت .. الاّ .. له

هلا وغلا اخي عاشق هباء
اسعدني تواجدك ومرورك العطر

المشاركة الأصلية كتبت بواسطة الليث

الله يبيــــحه .. وأنا به محسن ظــنوني
إلين يــدرون عـــــــذّالي .. وعــــذّاله

ويدرون غيّـــــابي اللي يوم يقروني
إن أجمل اللي ألبّي .. وأتفدّى له

ضحكة كريستال .. وزمـــامٍ لمضنوني
زودٍ على حسنه القتّال .. قتّـــاله

اليا التفت لي .. جهر بزمـامه عيوني
واليا ضحك لي .. ذبحني بالكريســـتاله!!

حمدا على السلامه
ذايقه راقت لليث
شكرا المغترب

ليا قال لي: (ويش حالك ) قلت : ياعــوني
يلعن ثوى الحب .. يلعن جدّها حاله


هلا وغلا اخي الليث
اسعدني مرورك وتواجدك العطر

سلام...كيفكم..بصراحه يعطيك العافيه على هالطرح الحلو مره ررووووعه

هلا وغلا بالجميع

اسعدني تواجدكم ومروركم العطر جميعا

إي هيدا الحكي إما بلا
سلمت أناملك يالقيصر،،،