الصمت ماهو بنسيان

حبش خمش خشم خميس ومعمر
.... والشام به شبيحه ابشر يابشار

شلت الطواري وش ورى هالتطور
.... ماطار طير الا وقع مثل ماطار

ياطير ابن برمان كنك مبشر
.... بالشر ياشر البشر عفن الاوكار

احرقت دارك لين حكمك تودر
.... ماعاد لك بالشام سلطه ولا دار

منته مخير في مسيرك مسير
.... من قلب طهران العجم جتك الامار

تمشي على حسب الامر ماتوخر
.... بتعلوم اخوك التوم ملزوم تختار

وانته نصيري بالاصل وامتنصر
.... والثالثه بعثي وحيلي ومكار

عن هضبة الجولان وش به تعذر
.... خمسين عام وملحها مابعد ثار

معروف وضعك يالاجير المؤجر
.... ياحافظ النعجه وياماهر الفار

لاشك لهل الشام حنا انتصدر
.... دعامة الدين وطويلين الاشبار

حليفهم نصرٍ من الله مؤزر
.... تبرد به اكبادٍ وتطرب له انصار

لهم وحدهم ننثر الما المعطر
.... عن غدر الاطوار وغريبين الاطوار

ما نكتفي بـ امظاهرات وتذمر
.... ياشعبنا السوري وجب شبة النار

ياحمص زاد الحمس والقاع حمر
.... نادي هل الرقه ورقوا هل العار

قدام لا درعا وتدمر تدمر
.... حماه يا بانياس لاتترك الثار

دوما ودير الزور دون المزور
.... وباللاذقيه ذوق البعث الامرار

كل المدن ثوره ونصر وتحرر
.... الشعب كله ثار ثوار واحرار

وحنا نتحرى للبشير المبشر
.... وجه البشاره بين بشرى وبشار

بعد الثلاث/ وعقرب الفكـر مـادار
حاولـت لكـن هالافكـار تتشابـه
وشبيت في بيت الشِعر موقد النـار
وشربـت فنجـال السهروالصبابـه
وفجأة سمعت بخلوة القلـب سمّـار
والشعـر شـرّع للمساييـر بـابـه
هذا انت غيرت المعانـي والافكـار
وكسرت عمـدان الملـل والرتابـه
صوتك انساب بمسمعي مثل الاوتار
لـه حنـةٍ تشبـه حنيـن الربابـه
وصاحت زغاريد الفرح سر وجهار
وذابت ملامـح دهشتـي والغرابـه
وتعطرن بنـات فكـري بالاشعـار
وتسابقـت يمـك خيـول الكتـابـه
حياك يا نسـل الصناديـد الاحـرار
في عرس حرفي ضيف عز ومهابه
(طلال) أو(لورنس) هي نفس الاخبار
ذيابه وجابت مـن ظهرهـا ذيابـه
قبلك وانا قلبي مثل جرد الاشجـار
وكني على صدر الصحاري خرابـه
بعدك وشفت الشعر بعيون الاقمـار
وبعد الضما هلـت عليـه السحابـه

الفلسفه

ياللي تتبعت الرواه اعن الرواه
.... لو كان كبدك ماهي ابمتشاويه
على سبيل النوم اخيرامن الصلاه
.... وضع الروايه خير والا الراويه؟؟!!
واذا عرفت اصل الخبر من مبتداه
.... الفلسفه سلة سوالف خاويه
لاشك لايغريك وتغر الوصاه
.... خل الوصايا العشر عندك ضاويه
لي معك بحروف الهجا واللي هجاه
.... حرف انكتب بالكاويه واللاويه
من له نظر سته على سته لقاه
.... ويصعب على الجهّيل والعماويه

بالدرسعي والابجدي للي قراه
.... وترميزة الريحاني المتغاويه
(سوفر)ولو سافر ذنوبه منتهاه
.... يبقى بجاوه ريح عود الجاويه
خمسين بعده ستةٍ واللي وراه
.... جاك اربعين وجاك ستيناويه

المسك في سبع النعايم فاح ماه
.... قارورته لازكى زمرد حاويه

من منطلق هالعلم واسمع ماتلاه
.... واربط ورابط وازهب الشرفاويه
دون المعاجم يالاعاجم ذبح شاه
.... اطلس طَسا طس العيون الهاويه
وجه الخواجات الجديده فاه باه
.... يقولها بن مشيط للجلاويه
بربوع شرم الشيخ واحضور اشرماه
.... ام الثلاث اروي راحت راويه؟؟
لو قالها الاشرم شرم ربي جماه
.... الفيل له سجيل جمره كاويه
البيت له ربٍ من الريب ايحماه
.... والزان والزنزان للزناويه
اما حمام الدوح مجروح اللهاه
.... روحي على روحه رحاها آويه
لو رحت احده عن حواديد احدداه
.... ملزوم ارده والمراد اداويه
لاشك اخو سلمى سلمنا من وذاه
.... يشرب شراب مسيلمه مع ماويه
في صفحة التلمود موؤدٍ خطاه
.... لو كان بالقران امه هاويه
روحه هلاليه ودساس احتواه
.... عرق النفود اللي سوته الساويه
مداد والملحاق مايلحق مداه
.... ميرالبلا (بعضوده)المتهاويه
في سد مارب سد عينه من خلاه
.... يعرج على رجله ورجله قاويه
هدهد سبا جاب النبا قبل النباه
.... بلقيس بالمعواد ماهي مراويه
بنت الزناتي كان مرعي مارعاه
.... تونس غدت معزوفه ابروناويه
ثامود عاد وعاد ماعاد ايعداه
.... مير اعقروا ياقوم صالح واويه
والبحر لا سطح الفضا غطى فضاه
.... وارست سفينة نوح عن ملاويه
واذا عليك استشكل العلم ونباه
.... يامعاير البلجيك والبرناويه
تعال اسولف لك عن ارضه من سماه
.... لاشك لاتهتال بامر الهاويه
راع الكنانه غير يستلحق عصاه
.... من شان تهدى اهل القلوب الغاويه
قد قالها الحجاج واحرج من نساه
.... بحضور بن مروان وابن امعاويه
اصغارها بالعكس عكس الاتجاه
.... واكفوفها بكفوفها متخاويه
موائد التقبيل باعتاب الولاه
.... تحت الولاه ابلا ولا متلاويه
فيها من اصناف المشاوي والمشاه
.... تاكل بها الشيخان والشواويه
هذا على هذا وهاذاك ايهذاه
.... ذلك كذلك والف ذالك ناويه
احدٍ درس علم الحياه من الحياه
.... واحدٍ درس(ضيق)الفضا والزاويه
احدٍ عن حدوده حداه اللي حداه
.... واحدٍ من سعوده عروشه خاويه
اجل بعد واشلون؟؟!! هذا اللي نراه
.... والخافي اعظم والمصايب داويه
الكل منهم قد عرفنا مستواه
.... واقفايته واقبالته متساويه
ابراي لله وابرأ امن اللي براه
.... ذنبه على جنبه وجنب مخاويه
سهمي رميته كان سهمه مارماه
.... بشتي لبسته كان بشته طاويه
سلمي على سلم الرجال اهل النجاه
.... وسلمه على سلم الكلاب العاويه
مانيب عمٍ له ولا اعمم عماه
.... ولا يلاليلي ولا له لاويه
ولاهوب عمٍّ لي ولا عمي كماه
.... عمي وخالي كان قمت امعاويه

------------(( البخل))------------

قالوا خـويّـك بـه بخــلْ .. وش تـبـي بــه !!
-------------- ابـعــد عــنـِـهْ وابـعـد عن الـبـخـْـل تـرتــاح

قلـت: اعـْـرفـه .. واعـْرف متى اعـتـزيـبـه
-------------- (قالوا : قـفـل !!) قلت: الخوي مابه امزاح

كانه قــفــلْ فــانــا مـفـاتـيــح طـــيــبــه
-------------- مـابــه قـفــلْ يـانـاس من دون مـفــتــاح

اقسم قسم ما بك عور يا رحيمه
--------- عندك حَـسَـد يا صاحبي والحَسَد شـين

ذي علتك والحسْـد خصله ذميمه
--------- أمّا عـيـونـك ما بها عـــوق يا حسين

عـيـن ٍ بها صبْـت الـعـيـون السليـمـه
--------- والـثـانيه من زينـهـا صابـهـا عـيـن

------(( الــــحـــــــق ))-----

الحـق ما هو بالشـهـادات يا خَيْ
----------- الحـق ما تـبـنى علــيـه الشهـاده

بيّن ولا يحـتاج له خـاطـر ٍ حَـيْ
----------- ولا يـبـي تـوضـيح والاّ إفــاده

الحــق مـثـْـل الزيـت في صفحة الـمَيْ
----------- يظـهـر ولو صبـيـت فـوقـه زيـاده

والباطل اشبه بالفراشه على الضَّيْ
----------- يجـذبهـا وهـج النور للـمـوت عــاده

مالك ومال الزيف والكذب والغَيْ !!
----------- الكـذْب عـاده..واجـتـنابه عـبـاده

لا تزوّد الهرجه..ولا تـقـْـصِـر اشـويْ
----------- دوّر لـغــه غير الدجــل..والزيــاده

تصـديق مالا نعـتـقـد صحـته سَيْ
----------- الـشيّ تـثـبـت صحـتـه باعـتـقــاده

------------(( مسألة مستحيلة))---------------

الــــــشّــــــعْــــــر يـــــــــابْـــــــــن حــــــســــــيـــــــن ســـــــــوّابــــــــــي اســـــــــــــــــــواه

ضــــــــــــيّـــــــــــــع حــــــــيــــــــاتـــــــــي ضـــــــــــــيّـــــــــــــعَ الله خــــــلــــــيـــــــلـــــــه

كـــــــــــــــــــم لــــــيـــــــلـــــــةٍ ســــــهّـــــــرنـــــــي واسْــــــــــهــــــــــرت لــــــــــيــــــــــلاه

وكــــــــــــــــم لـــــيـــــلــــــةٍ عـــــايـــــشــــــت بـــــــــــــــــه ألـــــــــــــــــف لـــــيــــــلــــــه

اروج بــــــــــــــــــه مـــــــــثْــــــــــل احـــــــــمــــــــــر الـــــــــــــــــــروج بــــــشْــــــفـــــــاه

واجـــــــــمـــــــــع شـــــــــعَـــــــــرْ راســــــــــــــــــي واحـــــــــطّــــــــــه واشــــــيــــــلـــــــه

اكــــــــــــــتـــــــــــــــب شـــــطــــــر..وامــــــحــــــاه..واحــــــاول انــــــــــــــســـــــــــــــاه

واحــــــيــــــانـــــــاً أخـــــــــــــــــــرى اتـــــــــركــــــــــه فــــــــــــــــــــي صـــــمـــــيـــــلـــــه

عـــــــجــــــــزت ألاقـــــــــــــــي شِـــــــعْــــــــر مـــــــــــــــا قــــــــيــــــــل شــــــــــــــــرواه

الــــــــنــــــــاس قـــــبْـــــلــــــي لــــــــــــــــم تــــــــــــــــدع لـــــــــــــــــي وســـــيــــــلــــــه

كــــــــــــــــل مــــــــــــــــا طــــــــرالــــــــي بــــــــيــــــــت واوفــــــــيــــــــت مـــــبـــــنــــــاه

لــــــــقــــــــيــــــــت ف اشــــــــــــعــــــــــــار الــــــــخــــــــلايـــــــــق مــــــثــــــيــــــلـــــــه

تــــــــكــــــــاثـــــــــرت فــــــــــــيـــــــــــــه الــــــمــــــعـــــــانـــــــي والاشـــــــــــــبـــــــــــــاه

وتـــــشــــــابــــــهــــــت فـــــــــــيــــــــــــه الــــــــــــصّــــــــــــوَر والــــحـــــصـــــيـــــلـــــه

بــــــعْـــــــض الــــــعـــــــرب شِــــــعْـــــــره مــــــثِـــــــلْ بــــيـــــضـــــة اخْـــــــصَـــــــاه

يـــــــــفــــــــــرق عـــــــــــــــــــنَ الأنــــــــــثــــــــــى ويــــــشـــــــبـــــــه زمــــــيـــــــلـــــــه

مــــــــــــا كـــــــــــــلِّ مـــــــــــــن يــــكــــتـــــب شــــــعِـــــــر يـــــــــــــدرك احـــــــــــــلاه

ومــــــــــــــــا كــــــــــــــــلِّ مــــــــــــــــن يــــــــــــــــدرك حــــــــلاتـــــــــه يــــجــــيــــلـــــه

الــــــــشّــــــــعْـــــــــر شـــــــــــــــــــــــــيٍّ لا تــــــعــــــمّــــــقـــــــت بــــــــاقـــــــــصـــــــــاه

تــــــــــــــــــــــــــدري بـــــــــــــأنّــــــــــــــه مـــــــــســـــــــألـــــــــه مــــســــتــــحـــــيـــــلـــــه

الــــشـــــاعـــــر الـــــــلــــــــي يـــــــغــــــــرف الـــــشّـــــعْـــــر مـــــــــــــــن فـــــــــــــــاه

مــــــــــــــــا هــــــــــــــــو مــــــــثِــــــــلْ مــــــــــــــــن يــــنــــحــــتِــــهْ بـــالـــطـــويــــلــــه

كــــــــــــــــــم شـــــــــاعـــــــــرٍ ســـــــــــــــــــوّى قــــــصــــــيـــــــده عـــــــــلــــــــــى..آه

ســــــــــــــوّى..وســـــــــــــــوّى.. لــــــــــــــكـــــــــــــــنِ اســـــــواة..هـــــــيـــــــلــــــــه!!

يـــــــــــــــــا عـــــــــــــــــلِّ شــــــــعْـــــــــرٍ مـــــــــــــــــا يــــــزلــــــزلــــــك مــــــعــــــنــــــاه

يــــــــنــــــــبـــــــــح عــــــــلــــــــيـــــــــه الـــــكـــــلـــــب..وِيْـــــهـــــزّ ذيـــــــــــــلـــــــــــــه

الـــــــشّــــــــعْــــــــر إنْ لــــــــــــــــــــــــم تــــســــتــــطــــيــــعــــهْ .. تَــــــــــــعَــــــــــــدّاه

جــــــــــــــــــــرّب بــــــــــدالــــــــــه شـــــــــــــــــــــي واتـــــــــــــــــــــرك ســـــبـــــيـــــلــــــه

مــــــــــــــــا هـــــــــــــــــو ضـــــــــــــــــروري تــــكــــتــــشـــــف وش خـــــفــــــايــــــاه

لـــــــــــكــــــــــــن ضـــــــــــــــــــــــروري تـــــكــــــتــــــشــــــف وش بــــــــديــــــــلــــــــه

أمّـــــــــــــــــــا أنـــــــــــــــــــا مــــــــــالــــــــــي غِــــــــــنــــــــــى عــــــنْـــــــه..واهـــــــواه

واعْـــــــــــــــــرف قـــــبــــــيــــــح الــــــشّــــــعْــــــر واعْــــــــــــــــــرف جــــمــــيـــــلـــــه

أقـــــــــبــــــــــح قــــــبــــــيـــــــح الــــــشّــــــعْـــــــر واخـــــــــــــــــــزى خــــــــــزايــــــــــاه

مــــــــــــــا قـــــــلــــــــت فـــــــــــــــي نـــــفـــــســـــك عـــــــســــــــى الله يـــــزيـــــلـــــه

واحـــــــــــــــــــــــــــــلا الـــــشّــــــعِــــــرْ..واجــــــمــــــل مـــــعــــــانــــــيــــــه..واقــــــواه

مــــــــــــــــا حــــــــــــــــاك فــــــــــــــــي نـــــفـــــســــــك تــــــــســــــــوّي مــــثــــيــــلـــــه

علي الحرام أن الوفاء طبع ف هل العين
وإذا خــابـــت أفـــعـــال الـرجـاجــيــل مــاخــابــو
طويـلـيـن الأيـــدي ماعلـمـنـا قـصـيـر أيــديــن
علـى المرجلـة شبو..عـلـى المرجـلـه شـابـو
يطيـب الـرجـل مــن بـعـد مايبـلـغ الخمسـيـن
وهــم تـحـت عشـريـن السـنـة بالـوفـاء طـابـو
وإذا عـــدد أعــيــوب الأجــاويــد (بـوقـرشـيـن)
هــل العـيـن مـدحـو فــي الأجـاويــد مـاعـابـو
وإذا تنتـخـي ف الضـيـق بـرجـال معروفـيـن
يغيـبـون...وأهـل الـعـيـن لـبــوْ... ولا غــابــو
وإذا قـلــت دار الـزيــن اي بالله دار الــزيــن
ولــو شــك فيـنـي بـعـض الأحـبــاب وارتـابــو
وماهـمـنـي دام الــوفــاء طــبــع فــهــل الـعـيــن
إذا خـــابـــت أفـــعـــال الـرجــاجــيــل مــاخــابـــو

منقــطـع مــالـك خـــبر

-------( مـالـك خـبـر )-------

ودّنا في عشرتِك بسّ لك طبعٍ غريب !!
============= ما عرفـنالك طـريقه / ولا شـفـنا قَــدِر

(حنّا) ــ من دونك نعاف الأحبّه / والقريب
============ (وانت) ــ ما دونك ولا دون اعادينا شِبر

ضايقٍ صدرك علينا عقِبْ ما هو رحيب
============ منقطع // والدنيا ما تسوى من عقبك ظفر

منقطع مالك خُبِر .. مبتعد مالك نـديـب
============= مبتعـد .. أو منقطـع .. المهم مالك خُـبِر

رحت عنّا ما تركت لْـمعاذيرك نصيب
============ وانت لك بالقـلـب قدـرٍ كبير .. وْلك عطـر

صاحبي ما جاك من عندنا شيِّ يعـيـب
============ وانْ حصل !! ماهوب عن قصد يوم انّك تفر

الـيـدين احيان تكـوي بعَـضـْـهـا ثمْ تطيب
============ وما يشـوف العاقل بْـفـعـلها ذنب / وغــدر

يمكن الحسّاس يجزع .. ويخشاها تعيب
============== لكـن انّـه ما يـعـالـج خـطـاهـا بالـبـتـر


غلطتك / ما هي بسيطه .. ولا عذرك صعيب
============= كان اجـامـل واحتـمـلها واقـدّمـلك شـكر

ودّك الإنسان لا طاح من عينه صحيب
============= ما يــدوّر منْه غـيـر السـلامــه والســتـر

( فرقى) من لا يشتري ( رفـقـتك ) لو هو حبيب
============= لا تسـاوي فيها شـيٍّ فضـيل / وْلا اجــر

صاحبك / لا بار بك / وانتهج نهج ٍ مريب
============== لا تحـرّالـه جـواب ٍ / وَلا ترجـي عـذر

كان ما طالك من قـْـفــايـتـهْ جرحٍ عطيب
============= فاذكـره بالخـير لا جـيـب لهْ عـنـدك ذكـر

صامد ٍشامخ تعلّم هالزمان بْها الزمان
للحقود اللّي تفكر كيف تنكر كل خير
ياوطنّاعلّـم ان الوقت قبلك كيـف كان
كان غـير ويوم سندتّه عزومك صارغـير
مب هباهالجهد يلّي من عناه المجــد زان
مب عبث هالروح يلّي قدوه بْها نستنير
الجراءه متعبه لاصحابها بلزم السنان
وثّق شْدادك تماسك فوقها الازمات ســير
دامها الازمه تهـز العالم وهذاك شان
جت على (دْبي ٍ )وصارت بين حساد ٍ كثير
الجهل ماوصّـل اللي يتبعه بر الامـان
والنظر حلم ٍ تمنى يحققه من هو ضرير
تستمر (دْبي) بين عيونها اكــبر رهــان
الوصل للحلم في ميعاده الشان الكبير
واثقه خطواتها تمشي على هدي المكان
حاسدك ع الشوك دربه وامشي دروبك حرير
الحلول الشافيه توفي تكفّي للعيان
ما هي اول ازمة ٍ 00لْحلها كل شي يصير
التحدي كلمة ٍ تكبر على الشده عشان
نلتحم مابيننا يوم الغرايب تستذير
دامها بلادي00 كرامتها على روحي تصان
عالي ٍ اسمه وطنّا وفوق حساده يطير
الاشاعه وقت والكذبه على الكذبه تبان

بالاخير هناك من يضحك ويضحك بالاخير

شوف باكر كيف يتراجع وبيْدور الزمان
عن كلامه 00 يستخير القاري بمّا يستخير