محاااوره ساخنه وقويه بين تركي 2000والمورقي

مساكم الله بالخير
محاااوره رائعه وساخنه
سبع الاراضي تحت سبع السماوات

محاوره بين تركي2000 وملفي المورقي

تركي2000
يالمورقي ماعاد بيني وبينك
ضحك ومجامل ياعسى الله يعينك
ابكحل عيونك واكسر يدينك
سبع الاراضي تحت سبع السموات
الايالعتيبي تالي الوقت وش فيك== تحيمرعيونك وانت مانت بمطاري
لياصارياملفي تسمع باذانيك == انا طاريلي فيك بعض الطواري

ملفي المورقي
الله يعاوني على تركي الفين
وراه ماخلى المواعيد بعدين
لكن الحاظر ابرك من الدين
سبع الاراضي تحت سبع السموات
تعرف العتيبي يالمطيري يربيك == ولا واعذابك يوم جيتلك ساري
ترانا نبيعك فالمواقف ونشريك == لياصارفالميدان بايع وشاري

تركي2000
انكان خايف يالعتيبي ومرتاع
لعاد تجمعها على اخماس وارباع
للقصريابن روق مدخل ومطلاع
سبع الاراضي تحت سبع السموات
الايابن مزيد لاتكثرعزاويك == ترى مانت سبع من سباع الغداري
لياصارت الوقفات اسندك وانحيك == ويجري عليك من الصواديف جاري

ملفي المورقي
ياصاحبي ماخذك فالحرب والسرب
ماهوبخمسه حشيو على الدرب
واحد يحن من الظما واربعه جرب
سبع الاراضي تحت سبع السموات
لواني سمعت إمطير قطعت اذانيك == تراني معك مير انت مانته بداري
عسى الله يمدك ياصحيبي ويغنيك == وتصبح مع اهل الاسهم اكبر تجاري

تركي2000
يوم المعارك بالقنا والجنابي
كند السماء بين الذرى والزهابي
واليوم لقمه بين ضرسي ونابي
سبع الاراضي تحت سبع السموات
انا اللي يميتك كل ليله ويحيك == ولافيه من بهذلك فالناس غاري
جرحناك ياجعل الاطبه تداويك == وعينك على خدك تهل العباري

ملفي المورقي
تراك يارجال تايه ومنجوم
ماضاع لي حاجه من اول ليا اليوم
لكن مدري كيف تصحي من النوم
سبع الاراضي تحت سبع السموات
ترى هرجتك هذي مثل بيضه الديك == ولاهي بجارحتن خوي السداري
ازعلك في لحظه وفي لحظه ارضيك == سبنك على جمبي خوين مباري

تركي2000
ياكثر ماضاع إلك فالوقت كثراه
لكن كل اللي يصير إلك تنساه
زورالمقابر والقبور المغطاه
سبع الاراضي تحت سبع السموات
اكلها يابو وافي عسى الله يهنيك == عساها تسدك دون شري وخاري
ترانا لونوشك نعزك ونغليك == وانا خابرك لمناوش إمطير ضاري

ملفي المورقي
لوالله امرنا ببعث المقابر
لابعث فهد وحسين والشيخ جابر
ولن عودت للذبح ويش انت خابر
سبع الاراضي تحت سبع السموات
ولايالمطيري لاتغرك هقاويك == ترى ماتلحفنا ثياب العواري
على قدرماتعطي المخاليق تعطيك == لوانه بهرجن مثل طعن الشباري

تركي2000
تبون حكام الدول مايموتون
من شان فحمايت حماهم تنامون
لكن لودار الزمن وش تسوون
سبع الاراضي تحت سبع السموات
مصيبتك ياملفي تعجل خطاويك == ويدخل علاك من المطيري كباري
ليازانت ايامك وشانت لياليك == يبايدري اللي عنك ماهو بداري

ملفي المورقي
الحكم لله والله اللي يديره
والحرب شر ولالكم فيه خيره
لنوصل ادناكم صباح وسميره
سبع الاراضي تحت سبع السموات
تقوله تقوله وانت مشيك تماتيك == مثل موترن علق جميع البواري
ترى مادخل فالقلب ضنن وتشكيك == عبرت البحور وبجت شهب الصحاري

مشكور ويعطيك العافيه على النقله الرائعه وتقبل احترامي

ابو نواف
اشكرك على مرورك وتقبل تحياتي

سفير المهد مشكور
علي هذه المحاوره الشيقه
وتقبل مرووووووووووري
اخوووووووووووووكم الواصل

سفير المهد الف شكر لك

على النقل الطيب والاختيار المميز

تركي وملفى شعار متميزين

ويتميزون بالاخلاق العاليه ولاحترام

وتقبل مروي

شكراااا أخوي
يعطيك العافية

مشكور
ويعطيك العافيه