مايفعل اليوم بالشام

ياهاجسي لو ان الانظــــار قدام
ضاقت فجوج الارض لو هي عراضي

لو للوفاء شرهه على سود الايام
لاسلم المعدالــــــــــــــــــ واختار قاضي

ماكان تبقى بين بايع وســــــوام
ونعامل الواقعــــــــــــ بحكم افتراضي

البارحه والبـــــوح محكوم باعدام
لا الصمتـــــ معجبني ولا البوح راضي

على غرار الحادث اللي من اعوام
ماجاء على مبدأ العفــــــو والتراضي

تغير الواقـــــــــع بعد شنق صدام
وصارت سياستنا سكوتــــــــ وتغاضي

اطلق شنب فينا يشوفه بالاعلام
مانطلب استئنافـــــــــــــ ولا اعتراضي

وانتاجها مايفعل اليوم بالشام
لهم على فروخـــــــ الحرار انقضاضي

وين الشجاعه والحميه والاسلام
والا بطولات العربـــــــــــــ فعل ماضي

ياساده التفكير ياحرار الاقلام
ياهل السيوفــــــــــــ وياحماة الاراضي

ماهي كذا نرضى الاهانه وننضام
بلا اجتماعاتـــــــــــــــــ وبلا حكي فاضي

ان كان مانقدم لاجل حقنا اقدام
والا ترى مصيـــــــــــــــرنا الانقراضي