ديوان الشاعر عبدالله المندهه

اساهر نجوم ليلً غايــــــــــــــــــبن نوره
واقول يالله عـــــــسى شعــري يسليني

بنظم بيوت القصــــــــيد من اعذب ابحوره
لكن تحلي بصبـــــــــــــــــــر ايوب ياعيني

يرحمك وقتً مضى والنفــــــس مسروره
ماكنت احسب الشقى مكتوب بسنيني

واليوم نفســـــــــــــي من الايام مقهوره
مغير اهوجس واقــــــــوم اصافق ايديني

وعزالله انا لياء ضقــــــــــــــــــــنا لنا ثوره
الياء اعتزينا نفك الصـــــــــــــــف صفيني

من روس قومن علــــى الطالات مذكوره
رجالنا فالشـــــــــــــــــــدايد عزه ايبيني

ويانفس جعـــــــــــلك من الايام ماجوره
يانفس عزك تراء تلفــــــــــــيبه ايميني

ويانفس مانتي على الشـينات مجبوره
عرفي وقلبي على الزينـــــــــه يوديني

والرجل مـــاهــي لياء عـثـرت بمثبوره
تنهض وتسبق وفالميـــــــدان تشفيني

والقلب راسي جبل مايختـــــــلف شوره
مثل الصخر قاســـــــــــيً ماضنه ايليني

واليوم اشوف السعاده شبـــــه محظوره
ولاشلت هم الزمــــــــان اللي مجافيني

والحر مايرعبه فالجــــــــــــــــــو عصفوره
الحر لمن كفخ بالريـــــــــــــــش يطربني

لكن اشوف الردي يلعــــــــب على دوره
لابو زمانً يعز اللاش والـشــــــــــــــيني