ديوان الشاعر رويضي وسمي العزيزي

حفيد عامر خوي الذيب علمٍ ثبات=اللي فعوله تناقلها حلوق الرواه
اوفاي حق الخوي ماهو هروج سعوات=وفاه حملٍ ثقيل يبرهنه من قواه
لكن حنا لناميزه وفينا صفات=منهو نوانا بشر يذوق شرٍ نواه
ناخذ بثار الخوي من ساير الكاينات=اليا أرتبطنا بخوه نفرقه عن سواه
نهجي سباع الخلا ونعشي الحايمات=يوم المحارب ومن يدرك عدوه شواه
كم من حريبٍ نخلي جمع قومه شتات=وكم راس شيخٍ عليه الذيب كوسر عواه
من فعلنا فالقدايم يوم اخذها وهات=قدام من هجد الفتنه يحرك لواه
إلنا من المجد مانرقابه النايفات=مجدٍ سلفنا وحاضرنا سجله حواه
واليوم ساد الامان وساري الشر بات=ومن لامشى في هوانا ماتبعنا هواه
من شافها معجزه حناهل المعجزات=من قال اهل معجزه درب السنع ماغواه
ربعي مطير اهل الردات وأهل الثبات=يومن كلن يجي فعله على مستواه