سلام يابو فيصل

السلام عليكم ورحمة الله وبركاته

مما لاشك فيه ان بعض الرجال اكبر من الشعر

ولو حاولت ان تصفهم تعجز عنهم الكلمات وتنضب الحروف

وهذا ينطبق تماما على اخوي ماطر الطريس فهو اكبر من الشعر ولكن عسى ان

نصل لشيء بسيط مما يملكه هذا الرجل .. ويستاهل كل خير

في تسعه وعشرين يوم الجمعه وعقب الصلاه .... اخذت في شمخن طوال اعناق فنجال قهوه

البرد قارص والشتاء مسدل على الدار العباه.... والجو ما اقول لك غيم ولا اقدر اقول صحوه

ناديت هاجوسن على الموعد يشرفني وفاه..... .....واخذت عن مطالب الايام سجه وسهوه

وعنيت شردن ما تعن الا لرجالن نباه..... ......مثل السحاب اللي يهل الخير ما فيه جهوه

سلام يابو فيصل اللي بالشعر ما لحق مداه..... بينه وبين افراد جيله فالمواقيف نهوه

طيب وفا عز ونقا عريب ساس وطيب جاه.... وقفة بطل شيمة رجل عزة نفس قو حموه

تواضعه فطره وتقديره يشد الانتباه..............فعايله وقت الشدايد ماهي هروج سعوه...

الله يبارك فيه ويحفظه ويستر لي علاه..... ........والله يجيبه لين ناخذ معه فنجال قهوه...

اخوي : نايف معلي العزيزي

صح لسانك يالسنافي واشهد انك سنافي بيض الله وجهك
على القصيده الجزله ومبدع كالعـــــاااده

ويستاهل ابوفيصل كل طيب

تقبل مرور البنيد

اخووووووي : نـــايـــــف......

صح الله لسانك ...

بيض الله وجهك على هذه النادرة واالدره التي لاتأتي الا من
عميق أفكار شعريه وصاحب خيال واسع ....

الجزل لا يأتي الا بالجزيله ..... أستمتع كثيرآ بالذة طرحك للموضوع ...
وسلاسة كلاماتك الرائعه .......


تقبل مني أطيب تحيه لشخصك الراقي .......

مرحبا اخي نايف بن معلي
عزالله ابدعت في القصيده
من اول بيت حين وضعت الوقت
سجل ياتاريخ
الي وصف الجو الي اخر بيت واتمني
من ابوفيصل ان يقول تم ويتشرف بزيارتك
هههه اعجبتني االقصيده باكملها واعجبني
البيت الاخير كثير اقول صح لسانك
واعتلا شااانك وتقبل تحياتي

وعليك السلام اخوي نايف بن معلي

والنعم والف نعم شاعر جزل ولايجيب الا الجزله

اشكرك على كل كلمه قلتها بحقي اما فنجال القهوده باذن الله نشربه سوى باقرب وقت عندي او عندك

اللي يمر قبل الثاني حق عليه المسيار وشرب الفنجال

يشرفني ان في القبيله شباب بهذه القوه الشعريه

ابدعت ولااملك الا الدعاء لك بظهر الغيب

وفقك الله لما يحب ويرضى

تسلم وصح الله لسانك

صح الله لسانك وعتلا شانك اخو ي نايف لك الله اني ارددها من يوم قريتها كذا الشعر ولا فلا هذه من النوادر والرويع التي نتمى ان نسمعها منك دايما ما اقول الا وفيت وكفيت
وبيض الله وجهك وابو فيصل كما قلت الشعر مايوفيه حقه تقبل تحياتي

لا هنت صح لسانك يابن معلي

وما قصرت طال عمرك كفيت ووفيت
قصيده جزله
وابوفيصل يستاهل
الله لايهينك ويعطيك الف عافيه

المايسترووو

اخواني الاعضاء اخواني الشعراء

نحن كبشر تسعدنا الكلمه الطيبه فالكلمه المنطوقه تنسى بعد مده ولكن الكلمه المكتوبه يبقى اثرها الى ماشاء الله.

للكلمه الطيبه سحرها والتي ما ان تقع موقعها في النفس حتى تغرس بذرة المحبه والاخاء

كلماتي تقف عاجزه وحائره امام ما ساكتبه,مهما كتبت اعترف انني سابقى مقصر

فكلمات الشكر لا تفيكم حقكم ,ففكرت كثيرا ماذا اكتب ووجدت

افضل شيء اقدمه لكم هو الدعاء واتمنى من الله

ان يسعدكم في دنياه واخرته وينور طريقكم دائما بالايمان ويطرح الله لكم البركه في كل شيء ويسهل امركم وييسره دائما وابدا

ياطيب بيتاً قـريته لك يابن معـلي
بيتاً يذكر باخوك الليث ابن جدلان

من كثر اعجابي بالقصيده
قمت اكرر شكري لك يابن معلي