ودي اسافر ..

ودي اسافر
,
,
ودي اسافر وترك الناس لناس
مليت من كثر الحكي والرجاوي
ياطالع القمة على عز نبراس
لا تلتفت للي نزل فالمهاوي
مدام صرت بطلعتك شامخ الراس
وشرفت عن قاعن به الناس خاوي
اعرف مسارك لا يحرك نسناس
وطيح من فوق المشاريف هاوي
وطلق جنحاك للعشاء ضرب قرناس
لا زانت الصيدة على ذبح شاوي
ولا تعاشر الي ينقل الهرج محتاس
مثل الرجال المقوية بالرشاوي
لا شاكرة طيب ولا مبعدة باس
افعالهم زينة بشرب القهاوي
ولبس علوم المرجلة ثوب ملباس
تكفيك عن شور الغوى والمغاوي
من جرب الدنياء بناها على ساس
مايهزها ريحً ولا سيل قاوي
وانا خذيت المرجلة ربحها كاس
وعربونها ذيبً سرى الليل عاوي

الشاعر: احمد منيع الله

..

احمد منيع الله شاعر وحساس
الله يكــفـــــيـكم شرور البلاوي
صح لسانك واعتلا شانك
ونرحب بعودتك
وتقبل تحياتي

صح لسانك وعتلا شانك

إبداع يالاميرر لله درك

تقبل مرور ابونوره

اخوي احمد منيع الله

نص فاخر مشبع بالجمال

صح لسانك وبانتظار جديدك

اسعدنيَ مروركم ..
وقصيدتي يكمن جمالها بَكم ..
اشكركمَ ي أعزائي ..