الشــاعر/ عــويتق الصواني (الله يرحمه).. يثبت

بسم الله الرحمن الرحيم
هذي قصيده جديده للشاعر الراحل/ عتيق معوض الصواني

بعنوان خوه على قيمة محبه وتقدير

يا حميد دن معجمات المسامير=مصمم الشاصين شغل النصارئ
الله يجيرك من صدوف العثابير=وعساك من سوء المنايا مجارئ
أبتل عليه وبتله للمناعير=وسلم وخص كبارهم والصغارئ
ملفاك بيت هلال عيد الخطاطير=ورشيد لالبسن عليه الغثارئ
ود الجواب وقرر الهرج تقرير=وتفقده عن كل عيب وعوارئ
وحنا بعد مقياضنا اللي ورى النير=كان بتل دربه على ما توارئ
مضيتلي معهم مقيض ومصافير=وربيع قدمه لين يبس الخضارئ
خوه على قيمة محبه وتقدير=والله على ما قيل شاهد خيارئ
وفاضوا مع الشعبه بملح ومغاتير=وحنا حدانا الدرب عنهم يسارئ
وقفيت والعبرات مني شخاتير=والقلب لو أدراه ما ينتدارئ
قلبٍ موسر مع هل الطيب توسير=وأن فارق الطيب يصيبه غيارئ
عسى لهاك الربع نور ومسافير=بجاه ربٍ حط ليل ونهارئ
العاقلين الكاملين المناكير=عيال حرٍ ذاخر له حرارئ
ربعاً على أولهم سيوفٍ بواتير=لطامة العدوان ستر العذارئ
وأن حل فالقالات ورد ومصادير=يوخذلهم عند الصعوبات شارئ
راياً يفك مشربكات الشناكير=وعلمٍ يوقع له بصدق وقرارئ
والمعذره لن كان فالقول تقصير=وستراٍ عن النقصان واللقتصارئ

تصميم الشاعر /علي عتيق معوض العبيداني