يالربع وش رايكم بطارووووق خفيف

ملخص المحاااوره بين سفير رووق والشمالي

سفير روق

سلام الله على لابة عزيز ومنتدى الاجواد=سلامٍ منهجه سلم العرب والدين والطاعه
نويت اعدّل الموجه عليكم يابني عباد=وانا روقي عتيبي ماحسبت لعقرب الساعه

الشمالي

هلايامرحبا ياللي تسلم والعلوم جـــــــــــداد= عــدد ماهل هتان الحياء وابتلبه قاعه
تقوله وانت في راسك خطام وفي يديك قياد= يبى يرميك حضك وسط بير مالها قاعه

سفير روق

يدوم الك البقاا والدله ام الهيل والبراد=شرب فنجالها اللي مابرد حيله ولاناعه
تهرج ياعميل الخير واخفض سرعة العداد=ترى قفر الديار الممحله ماجاه مرباعه

الشمالي

تبدىبالسوالف واعرف الصادر من الوراد=على عد(ن) رهاوي يشرب الوراد بذراعه
ترى قفر الديار الممحله دندن بها الرعـاد=ومنها ناس مرتاحه ومنها ناس مرتاعـه

سفير روق

لياا مني ذكرت اللي حصل في قوم ابن شداد=يبا بعض العرب يسريبها مايثني اكراعه
تخيل المزنه اللي برقها يم البلد ماجاد=طمعتوهاا ولو مافي بردها خير وطماعــــه

الشمالي

تريح لوتجاهد ياعميل ماعليك جهاد=الا يالله يامعبود تامنى من الضاعه
أخيل الغيث يابوزيد والله يبلغ المراد=واناخابرعلوم الناس شرائه وبياعه

سفير روق

ليا دارت رحاها واعتزينا والسيوف احداد=نوفي كيلها والكيل ماينقص على صاعه
علامك ماحسبت احساب لشعار والنقاد=ولآبه هوشةٍ من غير فزاعه وفراعــه

الشمالي

ليادارت رحاها ماحصلك كود قدح زنـاد=تبى تالع على قول المثل من غير ولاعـه
ترى المئه على التوزيع ماهي خانت الاحاد=وصلك العلم والاياصلك من دون سماعـه

سفير روق

أنا ابنشدك عن راع الشفر والجمس والكداد=يكد ال ديرة المطران من ركبه وسمساعه
فواتيرك على دور الليالي مالها سداد=ولاكن شووفلك من ربعك الأدنين شماعـــه

الشمالي

اناماني معلم كل منهو ضايع نشاد = ومن جاء مع طريق يعرفه ماغر مرجاعه
بعد ضاعت علومك قودها ياجعلها تنقاد= علامك صرت مثل الزورق اللي يومي شراعه

مشـــــكور ياسفير المهد على هذا التنسيق والاهتمام

طيب....... طيب

لياا مني ذكرت اللي حصل في قوم ابن شداد.....يبا بعض العرب يسريبها مايثني اكراعه



تخيل المزنه اللي برقها يم البلد ماجاد......طمعتوهاا ولو مافي بردها خير وطماعــــه




ولاهان من يتابع ..!

الليل الليل يالشمالي ..!

ياسفير المهد عميلي موجوود؟

استلم يالذيب..........................

تريح لوتجاهد ياعميل ماعليك جهاد= الا يالله يامعبود تامنى من الضاعه
أخيل الغيث يابوزيد والله يبلغ المراد= واناخابرعلوم الناس شرائه وبياعه

طيب.........طيب

ليا دارت رحاها واعتزينا والسيوف احداد.....نوفي كيلها والكيل ماينقص على صاعه



علامك ماحسبت احساب لشعار والنقاد......ولآبه هوشةٍ من غير فزاعه وفراعــه




وين الصفووف ياسفير المهد ؟ ههههه

هههههههههه <<<رحت اتعشا ياسفير رووق هههه


مير ماعليكم جبت لكم صفووف معي


يالله وواااصلووو


واصلووووووووو

ياسفير المهد جعله بالعافيه وحظورك لازم يالغالي

بس عندي سؤال صفوفك فيهم اثنين تحت لحالهم هو علامهم وراهم منعزلين ههه ؟

استلم يالذيب

ليادارت رحاها ماحصلك كود قدح زناد=تبى تالع على قول المثل من غير ولاعه
ترى المئه على التوزيع ماهي خانت الاحاد= وصلك العلم والاياصلك من دون سماعه

المشاركة الأصلية كتبت بواسطة سفير روق

ياسفير المهد جعله بالعافيه وحظورك لازم يالغالي

بس عندي سؤال صفوفك فيهم اثنين تحت لحالهم هو علامهم وراهم منعزلين ههه ؟

ههههههههههه اثنين مغير القهوجيه من زود الحمماس مع المحاوره مسكو صف لحالهم خخخخخخ



والعب العب