المحاوره الاسبوعيه لهذا الاسبوع 5/7/1429هـ يوم الثلاثاء ليلة الاربعاء

سفير المهد

حي الله اللي لفى من يم دار الشمال=ترحيبتن المعرفه والطيب مضمونها
ياهاجسي حضر وهات العلوم الجزال=والناقصه خلها في وسط ماعونهـا

الشمالي

أبك البقاء عد مالاحت بروق الخيال=بروق غيث(ن) يلوح الخير بمزونها
صب الفناجيل كيف(ن) من حلوق الدلال=برية صافيه مايختلف لونها

سفير المهد

النخله اللي مافيهـا ثمـره ولاظـلال=احفر عن عروقها ثم اقطع غصونهـا
وش معك عقب التعب هذا وطول الليال=والناس من حولكـم ماليتـن بطونهـا

الشمالي

النخله ام الرطب فيها ظلال (ن) حلال =تاخذ وتعطيك حسب اللي تمدونها
الناس مع دربها تمشي وهي لاتزال =ترهي بالافلاس لاطالعت بعيونها

سفير المهد

ياكثـر تجارهـا كثـراه تـال الليـال=امانتـن يامحمـد ضــاع مامونـهـا
احدن لقى كسب واحدن يظهر براس مال=ذمـم كثيـر العـرب فيهـا يبيعونهـا

الشمالي

الخير دربه عسر ماهو بسهل المنال=والمرجله للنشامى اللي يخطبونها
والادمي معه فالموضوع فسح ومجال=لايبسط الابسوق الخير وحتونها

سفير المهد

المرجله ياوسيع العرف قسم الرجال=اللـي لياقالـو الكلمـه يطولونهـا
الله يستر من الدنيا وبعض الحـوال=ماتنومن لو تبين ضحكـة سنونهـا

الشمالي

لابد ياصاحبي عنها يجينا سوال =من قبل الاقدام للماقف يسوقونها
والرابح اللي تجود بالعرى والحبال=وابعد عن المشتبه واللي يقولونها

سفير المهد

علم بها اللي عليها ماكفوفه بخـال=اللي عشقها عشق ليلى لمجنونهـا
اللي شراها من الشفقه بخشم الريال=لابد ينشد عن الشريه وعربونهـا

الشمالي

مالي على الناس غير النصح يابن الحلال=واسم البضاعه مسجل فوق كرتونها
ترى الطمع له مراحل لين يصبح هبال =والنفس في هالمراحل مايردونها

سفير المهد

الناس فيها بلا والوضع فيه اختـلال=بعض السواليف مدري كيف يرضونها
اللي يبون السبايك من هذيك الجبـال=والله ليبطـون يامحمـد مايلقونـهـا